Memleket basshysynyń referendýmnan bas tartyp, merziminen buryn prezıdenttik saılaý ótkizý týraly sheshim qabyldaýy saıası erlik - Á.Tarazı
ASTANA. 31 qańtar. QazAqparat /Marlan Jıembaı/ - Memleket basshysynyń referendýmnan bas tartyp, merziminen buryn prezıdenttik saılaý ótkizý týraly sheshim qabyldaýy saıası erlik. Bul pikirdi búgin Aqordada Elbasy Nursultan Nazarbaev Qazaqstan halqyna Úndeý arnaǵannan keıin BAQ ókilderine suhbat bergen jazýshy Ákim Tarazı bildirdi.
«Prezıdentimizdiń bul sheshimi alystan oılaı biletin, tereńnen tolǵaı biletin, bolashaq urpaqtardyń da qalaı el basqarýy kerek ekenin oılaǵan bir saıası erligi dep sanaımyn. Árıne, 5 mıllıonnan astam adam qoldaǵan kezde kóne salýǵa bolatyn edi. Biraq soǵan qaramastan bolashaqtaǵy saılaýshylarǵa, saıasatkerlerge kórsetip otyrǵan úlken úlgisi ǵoı dep bilemin. Sondyqtan ózim qýanyp qarsy aldym», - dedi qalamger.
