Memleket basshysynyń ókilettigin uzartý jónindegi bastamany sheteldik qandastarymyz da qoldaýda – respýblıkalyq basylymdarǵa sholý

ASTANA. 6 qańtar. QazAqparat - Qazaq aqparat agenttigi respýblıkalyq basylymdarda 6 qańtar, beısenbi kúni shyqqan ózekti materıaldarǵa sholýdy usynady.

***

Qazaqstan Prezıdenti N.Nazarbaevtyń ókilettigin 2020 jyldyń 6 jeltoqsanyna deıin uzartý týraly referendým ótkizý sheteldegi qandastarymyzdyń arasynda da úlken qyzyǵýshylyq týdyryp otyr. Bul jaıynda «Egemen Qazaqstan» gazetiniń búgingi nómirinde jaryq kórgen Dúnıejúzi qazaqtary qaýymdastyǵy Tóraǵasynyń orynbasary Sultanáli Balǵabaevtyń «Shetel qazaqtary da qoldaıdy» degen maqalasynda aıtylǵan. Avtordyń jazýynsha, sheteldegi aǵaıyndar elimizdiń Tuńǵysh Prezıdentin shynaıy jalpyulttyq Kóshbasshy retinde baǵalaıdy. Soǵan oraı, olar Qazaqstannyń búgingi qol jetkizgen aıtýly tabystaryn Elbasynyń qaıratkerlik eren eńbeginiń nátıjesi dep sanaıdy. Soǵan baılanysty alystaǵy aǵaıyndar Prezıdentimizdiń elimizdi ekonomıkalyq-áleýmettik jaǵynan damytý jóninde júzege asryp jatqan is-sharalaryn, halyqaralyq sahnada júrgizip otyrǵan saıasatyn biraýyzdan qoldaıdy.

8 qańtar kúni Shymkentte jartylaı orta salmaqtaǵy Dúnıejúzilik boks qaýymdastyǵynyń (WBA) nusqasy boıynsha Álem chempıony Beıbit Shúmenov pen Dúnıejúzilik boks uıymynyń (WBO) nusqasy boıynsha Álem chempıony nemis bylǵary qolǵap sheberi ıÝrgen Bremer arasyndaǵy tıtýl biriktirý jekpe-jegi ótýi kerek bolatyn. «Egemen Qazaqstan» gazetiniń jazýynsha, osy jekpe-jektiń aldynda jahanǵa jar salyp: "Shúmenovtiń qabyrǵasyn qaqyratamyn, eki beldigin de ózi týǵan qalasynda sheship alyp ketemin" - degen sabazyń tamaqtan ýlanyp qaldym dep eshkimge habar salmastan tabanyn jaltyratyp úlgeripti. «Jankúıerler ań-tań. Mundaıda ishi aýyrǵan adam tura qashpaı, dáriger kómegine júginedi. Jekpe-jektiń ótpeý sebebin Qazaqstan Kásipqoı boks federatsııasyna, halyqaralyq tıisti oryndarǵa bildiredi. "Men buryndy-sońdy mundaı myqty formaǵa kelgen joqpyn, ózimdi óte jaqsy sezinemin, jekpe-jekke tas túıin daıynmyn",- degen ıÝrgenniń bulaısha qubylýynda taǵy bir syr bar sekildi. Qazaqstandyqtar jaǵy aldyn ala analız tapsyrý týraly ótinish aıtqanda Breımerdiń bapkeri Mıhael Tım ony qulaǵynyń syrtymen tyńdapty», - dep jazady basylym. Maqalanyń tolyq nusqasyn oqyǵyńyz kelse gazettiń beısenbilik nómirindegi «Qarsylasy qashyp ketti» degen maqalaǵa nazar salyńyz.

***

«Aıqyn» gazetiniń 6 jeltoqsan kúngi nómirinde saıasattanýshy Erlan Qarınnen alynǵan suhbat jarııalandy. Suhbat Elbasy N.Nazarbaevtyń ókilettiligin 2020 jylǵa deıin uzartýǵa baılanysty bastama tóńireginde órbigen. «Túptiń-túbinde sol sát­ten beri ǵumyrlyq prezı­dent, Ult kóshbasshysy statýsyn bekitýden bastap, mer­zimi­nen buryn saılaý ótkizýge deıin árqıly ıdeıalar kóte­ril­gen edi. Mundaı árqıly bas­tamalardyń bolýy qoǵamda Nursultan Nazarbaevtyń myqty ulttyq kóshbasshy retinde qabyldanýyna tikeleı baılanysty, bul arada aza­mat­tardyń basym bóliginiń Elba­syn ary qaraı da memleket basshylyǵynda kórgisi keletini uǵynyqty. Tek bar másele - bul maq­sattardyń júzege asý me­hanızmderi men formalaryna baryp tireledi. Sondyqtan men Nursultan Nazarbaevtyń ókilettigin uzartýǵa qatysty referendým ótkizý bastamasy aıaqastynan paıda boldy degen oımen kelispeımin. Muny al­dyn ala boljap-joramaldaý qıynǵa soqpas edi. Sondyqtan da qazaqstandyqtardyń Mem­leket basshysyna degen jo­ǵary senim deńgeıiniń erekshe bir elektoraldyq qoldaý formasyna aınalatyny anyq edi. Referendým máselesi de, bálkim, Nazarbaevtyń Ulttyq kóshbasshy statýsymen úndes shyǵar. Dálirek aıtsaq, bizdiń Kóshbasshymyz bar, aldymyzda ekonomıkany modernızatsııa­laý talaby tur, al referendým jańa prezıdenttik strategııa­ny jalpyhalyqtyq deńgeıde qoldaý úshin óte tıimdi saıası plat­forma bolyp tabylady», - dep atap kórsetken suhbatynda E. Qarın. Suhbattyń tolyq nusqasyn basylymnyń beısenbilik sanyndaǵy «Referendýmdy ıdeıa retinde talqyǵa salýǵa oppozıtsııanyń ózi túrtki boldy» degen maqaladan oqı alasyzdar.

Sondaı-aq osy basylymda «Gagarınge deıin de birneshe adam ǵaryshqa ushqan ba?» degen taqyryppen qyzyqty maqala jaryq kórdi. «Aıqyn» gazetiniń atap ótýinshe, ótken ǵasyrdyń 90-jyly, Berlın qabyrǵasy qulaǵannan keıin úsh aı ótkende, batystyq BAQ sensatsııalyq jańalyq taratypty. Onda burynǵy GDR turǵyny, endigi FRG azamaty bolǵan bir nemis soǵys kezinde lıýftvafta qyzmet etip júrip, 1943 jyly-aq ǵaryshqa raketa arqyly kóterilgenin jarııalaıdy. Sol-aq eken, ony psıhatrııalyq aýrýhanaǵa jatqyzyp, uzaq ýaqyt bosatpaıdy. Eń qyzyǵy, kóp uzamaı Úshinshi reıh ekıpajynyń Jerdi aınala ushqany men nemisterdiń soǵys qaınap jatqanda Aıǵa qonǵany týrasynda jarııalanym paıda boldy. Al 1990 jyly 2 sáýirde amerıkalyq «Djornal» basylymy Jerge úsh nemis ǵaryshkeriniń... 47 jyldan keıin oralǵanyn jarııalady. NASA sarapshylarynyń deregine silteme jasaǵan álgi amerıkalyq basylym úsh nemis ǵaryshkeriniń jarty ǵasyrǵa jýyq ýaqyt ishinde eshqandaı qartaımaǵanyn habarlapty.

***

Memleket basshysy Nursultan Nazarbaev elimizdiń pravoslavıelik hrıstıandaryn jáne barsha qazaqstandyq­tar­dy jarqyn meıram - Rojdestvo merekesimen quttyqtady. Quttyqtaý mátini «Kazahstanskaıa pravda» jáne «Egemen Qazaqstan» gazetteriniń beısenbilik nómirinde jarııalanyp otyr. «Rojdestvo - izgi úmitter men jaqsylyqtardyń merekesi. Ol adamdardy ıgi ister jasaýǵa, qudaıdyń ósıetimen beıbitshilik pen kelisimde ómir súrýge umtylýda bastaryn biriktiredi. Osy máńgilik qundylyqtar, ásirese, túrli senimdegi jáne et­nostaǵy adamdar dostyq aýa­nyn­da ómir súretin Qazaqstanda erekshe qurmetteledi. Bizdiń birligimiz ben ynty­ma­ǵy­myzdyń arqasynda Qazaqstan yrǵaqty damýyn jalǵastyrýda. Elimizdiń halyqaralyq arena­daǵy bedeli nyǵaıa túsýde. Qazaqstan Uıymǵa múshe elder memleket jáne úkimet bas­shy­larynyń tarıhı mánge ıe Astana Sammıti zańdy qory­tyn­dy­sy bolǵan EQYU-daǵy tóraǵa­ly­ǵyn tabysty júzege asyrdy. Ótken jyl Qazaqstandaǵy Orys Pravoslavıe shirkeýi úshin este qa­lar­lyq oqıǵamen erekshelendi. Astanada Máskeý jáne Búkil Reseı Pat­rıarhy Kırıll bolyp qaıtty. Ol elordada Or­talyq Azııadaǵy asa iri Ýspen kafedraldy soboryn sáýle­len­dirdi. Bul sapar bizdiń elimizdegi pravoslavıe jáne ıslam qaýymy ara­syndaǵy izgilikti qarym-qaty­nas­ty nyǵaıtýda ma­ńyzdy qadam boldy. Rojdestvo jarqyn merekesinde izgilikti isteri men oı-nıetteri Otanymyzdyń damýy men órken­deýine úles qosyp kele jatqan respýblıkanyń barlyq pravoslavıe azamattaryna rızashylyq sózimdi aıtqym keledi», - delingen Elbasy quttyqtaýynda.