Memleket basshysynyń kez kelgen buıryǵyn oryndaýǵa daıynbyz - general-maıor Ospanov

ASTANA. QazAqparat - Qazaqstan Qarýly kúshteri Memleket basshysynyń kez kelgen buıryǵyn oryndaýǵa saqadaı-saı. Mundaı pikirdi  «Batys» óńirlik qolbasshylyǵy áskerleriniń qolbasshysy, general-maıor Dáýlet Ospanov bildirdi, dep habarlaıdy QazAqparat.

QR Qarýly kúshteriniń 25 jyldyq mereıtoıyna oraı QazAqparat tilshisimen suhbattasqan general-maıor búginde elimizdiń  áskeri tehnıkalyq jáne materıaldyq jaǵynan tolyqtaı qamtamasyz etilgendigin basa aıtty.

 

«Bas qolbasshy  Prezıdent Nursultan Nazarbaevtyń únemi qamqorlyǵynyń arqasynda Qarýly kúshterimiz tolyqtaı qalyptasyp, tehnıkalyq jáne materıaldyq jaǵynan óte jaqcy qamtamasyz etilgen. Biz Memleket basshysynyń kez kelgen buıryǵyn oryndaýǵa daıynbyz. Áskerlerimiz óte joǵary jaýyngerlik daıyndyqta, jaqsy úırengen, otanshyldyq rýhtary da joǵary», - dedi Dáýlet Ospanov.

General-maıor Ospanov Dáýlet Rysqulbekuly Rıazan joǵary áskerı qolbasshylyq baılanys ýchılışesin, 2000 jyly QR Qarýly kúshteri Áskerı akademııasyn bitirgen. 2015 jyldyń qazan aıynda QR Prezıdentiniń Ókimimen «Batys» óńirlik qolbasshylyǵy áskerleriniń qolbasshysy bolyp taǵaıyndalǵan. 2-shi dárejeli «Aıbyn» ordenimen, mereıtoılyq medaldarmen marapattalǵan.

Aıta keteıik, Qazaqstan Qarýly kúshteriniń 25 jyldyq mereıtoıyna oraı «QazAqparat» HAA elimizdiń Qorǵanys mınıstrligimen birlesip, oqyrman nazaryna «25 Otan qorǵaýshy» atty arnaıy jobany usynady. Onda qazaqstandyq armııadaǵy qyzmetin kúndelikti is emes, boryshym dep sanaıtyn qazaqstandyq áskerı qyzmetshiler jaıynda sóz qozǵalady.