Memleket basshysynyń qashyqtan oqýǵa qatysty tapsyrmalary oryndaldy
NUR-SULTAN. QazAqparat - QR Prezıdenti Qasym-Jomart Toqaevtyń baspasóz hatshysy Berik Ýálı Memleket basshysynyń qashyqtan oqýǵa qatysty birqatar tapsyrmasy oryndalǵanyn málimdedi, dep habarlaıdy QazAqparat tilshisi.
«Memleket basshysy «Qashyqtan oqý júıesine kóshken kezdegi eń mańyzdy quraldyń biri - elektrondy oqýlyqtar bolmaq. Bilim jáne ǵylym mınıstrligi oqýlyqtardy vedomstvonyń aqysyz quqyqtaryn bekitip bere otyryp, olardy kezeń-kezeńimen tsıfrlyq formatqa kóshirý josparyn ázirleýge tıis» degen bolatyn. Otandyq baspalar men oqýlyqtardyń elektrondy nusqalaryn aqysyz paıdalaný máselesi kelisildi», - dep jazdy Berik Ýálı Facebook paraqshasyna.
Onyń aıtýynsha, 1-11 synyptarǵa arnalǵan barlyq elektrondy oqýlyqtar Bilim jáne ǵylym mınıstrliginiń saıtynda jarııalandy.
«Tehnıkalyq jáne kásiptik bilim berý júıesinde koldedjderdiń 100%-y otyzdan astam platformaǵa qol jetkize alady. 21 000-nan astam tsıfrlyq resýrstardy qamtıtyn katalog quryldy. 12 368 beınesabaq, 3 848 elektrondy oqýlyq, 5 771 qosymsha materıal, 30 368 ustaz ІT quzireti boıynsha biliktiligin arttyrdy. Qashyqtan oqý platformalarıa men baǵdarlamalaryn paıdalana otyryp 20-dan astam nusqaýlyq ázirlendi», - deıdi ol.
