Memleket basshysynyń halyq aldyna shyǵyp, sabyrǵa shaqyrǵany durys boldy – Shárbaný Beısenova
NUR-SULTAN. QazAqparat – Jazýshy, Qazaqstannyń eńbek sińirgen qaıratkeri Shárbaný Beısenova Memleket basshysy Qasym-Jomart Toqaevtyń málimdemesine oraı pikir bildirdi, dep habarlaıdy QazAqparat tilshisi.
«Memleket basyshysy halyq dúrbeleńge túspeý úshin úndeý aıtyp jatyr. Sonyń ishinde kótergen mańyzdy másele – dárigerlerdiń jumysyna qurmetpen qaraý, olardy syılaý, artyq ábigerge salyp, jalǵan aqparat taratpaý. Dárigerdi synaý úshin koronavırýs juqtyryp alǵany týraly jalǵan málimet berip, jedel járdem shaqyrǵandar bar. Olar dárigerlerdiń jumysyna qurmetpen qaraýy kerek», - deıdi jazýshy Shárbaný Beısenova.
Sondaı-aq, ol Memleket basshysy aýyl sharýashylyǵymen aınalysatyndarǵa qamqorlyq jasalatyny týraly aıtqanyna toqtalyp ótti.
«Prezıdent aýyl sharýashylyǵymen aınalysatyndarǵa qamqorlyq jasalatyny týraly aıtyp, olardyń kóńilin jaılandyryp tastady. Memleket basshysynyń halyq aldyna shyǵyp, toqtamǵa, sabyrǵa shaqyrýy óte durys dep oılaımyn. Halyqqa áleýmettik tólem beriletini de – úlken qoldaý», - deıdi ol.
Aıta keteıik, keshe Prezıdent Qasym-Jomart Toqaev respýblıkalyq telearnalar efırinen málimdeme jasaǵan bolatyn.
