Memleket basshysynyń búgingi Joldaýynda qoǵam damýy úshin qajetti degen keleli máseleler kóp aıtyldy - A.Perýashev
ASTANA. 27 qańtar. QazAqparat /Aıdar Ospanalıev/ -«Memleket basshysynyń búgingi Joldaýynda qoǵam damýy úshin qajetti degen keleli máseleler kóp aıtyldy»,-deıdi Májiliske Qazaqstannyń «Aq jol» demokratııalyq partııasynan saılanǵan depýtat Azat Perýashev.
Onyń sózinshe, sybaılas jemqorlyqpen kúres, turǵyn úı men densaýlyq saqtaý qyzmetine qoljetimdilik, ındýstrıaldy ınnovatsııalyq damý, jasyl ekologııa, kásipkerlikti damytý, memlekettik tildi Qazaqstan halqyn biriktiretin til retinde damytý sııaqty jaıttardyń barlyǵy da búgingi kúnniń eń ózekti degen máseleleri.
«Prezıdent sonymen qatar, memlekettiń ekonomıkanyń qarapaıym adamdardyń múddesi men olardyń ál-aýqatyn arttyrýǵa jumyldyrylýy tıistigin atap ótti»,-dedi depýtat.
