Memleket basshysynyń bıylǵy jylǵa júktegen tapsyrmasy tolyq oryndalatyn bolady - Úkimet basshysy
TANA. 13 qazan. QazAqparat /Qanat Mámetqazyuly/ - Aǵymdaǵy jyldyń 9 aıyndaǵy naqtylanǵan ekonomıkalyq ósim 7 paıyzdy qurap otyr. Bul Memleket basshysynyń júktegen tapsyrmasynyń tolyq oryndalatynyn bildiredi. Búgin QR Parlamenti Májilisiniń jalpy otyrysynda «2012-2014 jyldarǵa arnalǵan respýblıkalyq bıýdjet týraly» zań jobasy maquldanýyna baılanysty sóılegen sózinde Úkimet basshysy Kárim Másimov osylaı málimdedi.
«Memleket basshysynyń aıqyndaǵan mindetterin júzege asyrýdyń arqasynda, sondaı-aq Úkimet pen Parlamenttiń birlesken is-qımyldarynyń nátıjesinde 9 aıdyń naqtylanǵan ekonomıkalyq ósimi 7 paıyzdy qurap otyr. Rasynda, biz barlyq baǵyt boıynsha úılesimdi ári batyl jumys atqardyq. Sonyń arqasynda Elbasynyń 2011 jylǵy 7 paıyzdyq ósim týraly tapsyrmasy tolyq oryndalatyn boldy», - dedi Kárim Másimov.
