Memleket basshysynyń bıylǵy Joldaýy óziniń strategııalyq baǵyttylyǵymen erekshelenedi - Joldaýǵa únqatý
ASTANA. Aqpannyń 6-sy. QazAqparat /Marlan Jıembaı/ - Memleket basshysynyń bıylǵy Joldaýy óziniń strategııalyq baǵyttylyǵymen erekshelenedi. Bul týraly búgin Eýrazııa gýmanıtarlyq ýnıversıtetiniń stýdentterimen Joldaýdy talqylaý barysynda aýyl sharýashylyǵy ǵylymynyń kandıdaty, professor Qaıyrbek Muqajanov aıtty.
«Biz jylda Elbasynyń Joldaýyn asyǵa kútemiz. Óıtkeni odan kez kelgen qazaqstandyq azamat ózine keregin, qajettisin tabady», dedi professor óz sózinde.
Onyń aıtýyna qaraǵanda, buǵan deıingi Joldaýlardan taqaý ýaqyttaǵy bolashaq kórinis tabatyn bolsa, al bıylǵydan aldaǵy onjyldyqtyń naqty strategııalyq damý baǵyttaryn kórýge bolady.
«Joldaýda kóterilgen máseleler óte joǵary, aýqymdy, biraq burynǵylarǵa qaraǵanda mundaǵy aıtylǵan nárselerdiń barlyǵy saraptalǵan, ekshelengen, eldiń jaǵdaıyna baǵyttalǵan. Sondyqtan olardyń oryndalatynyna biz kúmán keltirmeımiz», dedi Q.Muqajanov.
