Memleket basshysynyń atyna Nıderlandyda turatyn aqyn Amır Sýrenıden hat keldi

dep habarlaıdy QR Prezıdentiniń baspasóz qyzmeti.

«Men qazaq ta, qazaqstandyq ta, musylman da emespin. Shynymdy aıtsam, sizdiń elde týystarym da joq, jaqyn qarym-qatynasym bolǵan emes. Men júrek qalaýymen ár elde turyp jatqan kóptegen adamdardyń shyn máninde Sizge degen kózqarasyn qazaqstandyqtar bilsin degen oımen hat jazyp otyrmyn. Siz keńinen tanymal, segiz qyrly, bir syrly saıasatker, Ult Kóshbasshysy bolyp tabylasyz. Sizdiń arqańyzda Qazaqstan gúldenýde, damýda, kóptegen forýmdarǵa, uıymdarǵa (EQYU, ShYU, EýrAzEQ, UQShU, TMD jáne t.b.) tóraǵalyq etýde. Sizdiń bedelińizdiń arqasynda aýqymdy sheshimder qabyldaý kezinde halyqaralyq qaýymdastyq árdaıym Qazaqstannyń pikirimen sanasady. Muny bári teledıdardan kórýde, álemdik deńgeıdegi gazetterden oqyp bilýde», - delingen hatta.

A. Sýrenı 1990-jyldary, KSRO taraǵan soń, Qazaqstan kóptegen qıyndyqtarǵa tap bolǵanyna toqtalady. Alaıda aqylymen, iskerlikpen, sabyrlylyqpen Memleket basshysy eldiń tutastyǵyn saqtap qaldy, onyń bar baılyǵynan aırylyp qalmaýyna qarsy tura bildi. Prezıdent tek qana qorǵap qalǵan joq, sonymen qatar damytty, nyǵaıtty, Qazaqstan Respýblıkasynyń baılyǵyn eseleı tústi.

«Siz eldi aqylmen, iskerlikpen basqaryp kelesiz jáne Elbasy - Ult Kóshbasshysy retinde úılestire bildińiz. Sondyqtan da men, bógde adam bolsam da, Sizge halyqtyń Kóshbasshysy retinde zor qurmetpen, izetpen qaraımyn»,- dep jazady A. Sýrenı.

«Shyn júrekpen, yqylaspen Sizdi Táýelsizdik mereıtoıymen quttyqtaı otyryp, Sizge zor densaýlyq, týys-týǵandaryńyzǵa jer betindegi barlyq ıgilikti tileımin, sizderdi qudaı qoldasyn, qazaqstandyqtar!»,- dep jazady hat ıesi jáne Memleket basshysyna arnalǵan arnaý óleńin qosa joldaǵan.

Nıderlandydan hat joldaǵan aqyn Memleket basshysyna jáne Qazaqstannyń barsha halqyna beıbitshilik, tabystar jáne «Uly dala aspanynyń astyndaǵy» jalpy qaýymǵa amandyq-saýlyq tilegen.