Memleket basshysynyń atyna kelip túsken quttyqtaý jedelhattary
Memleket basshysy Qasym-Jomart Toqaevtyń Qazaqstan Respýblıkasynyń Prezıdenti bolyp saılanýyna oraı, quttyqtaý hattary men jedelhattary kelip jatyr.
Monako Knıazi ІІ Alber óziniń quttyqtaý hatynda Memleket basshysyna tabys tilep, jýyq arada kezdesýge úmitti ekenin bildirgen.
«Elderimizdiń arasyndaǵy dostyq qatynastardy nyǵaıtýǵa jáne strategııalyq yqpaldastyqtarymyzdy keńeıtýge shynaı túrde tyrysatynymdy bildirgim keledi», – dep atap ótken Monako Knıazi ІІ Alber.
Taıland Koroli H Rama Maha Vajıralongkorn da Qasym-Jomart Toqaevty Prezıdent laýazymyna saılanýymen quttyqtap, Qazaqstan halqyna baq-bereke tiledi.
«Aldaǵy ýaqytta Taıland pen Qazaqstan arasyndaǵy tyǵyz baılanystar men dostyq qatynastar eki eldiń ıgiligi úshin kóptegen sala boıynsha nyǵaıyp, damı beretinine kámil senemin», – dep jazǵan Taıland Koroli.
Aqyn Oljas Súleımenov jedelhat joldap, Memleket basshysyn saılaýdaǵy jeńisimen quttyqtady.
«Alǵashqy jeńisińizben! Saılaýshy retinde kópjyldyq tájirıbem bola tura, men alǵash ret osy daýys berý kezinde tolqydym. Aldaǵy asýlaryńyzǵa sáttilik pen tabys tileımin», – dep jazdy Oljas Súleımenov.
Qazaqstannyń burynǵy Premer-mınıstri Sergeı Tereşenko Qasym-Jomart Toqaevtyń kásibıligine, basshy retindegi daryny men aqylyna toqtalǵan.
«Qazaqstan halqynyń Sizge degen ortaq senimi – turaqtylyq pen aldaǵy qaıta órkendeýdi tańdaǵany. Sizdiń dana basshylyǵyńyzben osy bir jahandyq, aımaqtyq ekonomıkalyq qıyn-qystaý kezeńde Qazaqstan óz damýynyń jańa satysyna qol jetkizetinine kámil senemin», – delingen jedelhatta.
Reseı Federatsııasynyń Memlekettik Dýmasy halyqaralyq ister komıtetiniń tóraǵasy Leonıd Slýtskıı Qasym-Jomart Toqaevtyń Qazaqstan Respýblıkasynyń syrtqy saıasaty men ekonomıkalyq damýynyń qalyptasyp, nyǵaıýyna qosqan zor úlesin atap ótken.
«Kórnekti memleket qaıratkeri retindegi Sizdiń tájirıbeńiz osynaý jaýapty memlekettik qyzmettegi basym mindetterdi ońtaıly sheshýge yqpal eterine senimdimin», – degen hatynda.
«Shevron» korporatsııasynyń bas atqarýshy dırektory ári dırektorlar keńesiniń tóraǵasy Maıkl Ýırt Qasym-Jomart Toqaevqa Qazaqstan halqynyń ıgiligi úshin atqaratyn mańyzdy laýazymda mol tabys tiledi.
«Shevron» Qazaqstanmen aradaǵy 26 jyldan asqan áriptestikti maqtan tutady. Biz bul áriptestiktiń aldaǵy ýaqytta jalǵasa beretinine úmittenemiz», – dep jazdy korporatsııa basshysy.
Qazaqstannyń Ulttyq ǵylym akademııasynyń prezıdenti Murat Jurynov quttyqtaý hatynda ǵylymı áleýetimizdiń damýynyń mańyzyna toqtalyp, Memleket basshysyn ǵylymı zııaly qaýymnyń osy baǵyttaǵy jumystaryn jalǵastyra beretinine sendirdi.
Á.Qasteev atyndaǵy Memlekettik mýzeı ujymy quttyqtaý hatqa Elbasy saıasatynyń sabaqtastyǵy men qazaqstandyqtardyń ál-aýqatyn arttyrý sharalaryn atap ótip, Qasym-Jomart Toqaevtyń jumysyna jemis tiledi.
«Sizdiń muqtaj azamattarǵa kómektesý arqyly áleýmettik ótkir máselelerdi sheshýdi josparlaǵanyńyz bizdi shabyttandyrady», – delingen hatta.
Qazaqstannyń Bas Múftıi Serikbaı qajy Oraz Memleket basshysyn quttyqtap, Prezıdent saılaýy kezinde kórsetken halyqtyń aýyzbirshiligin atap ótti.
Qazaqstannyń pravoslav shirkeýiniń basshysy Astana jáne Qazaqstan Mıtropolıti Aleksandr quttyqtaý hatynda Qazaqstanda qalyptasqan ártúrli etnostar men túrli konfessııalardyń ózara qarym-qatynasy boıynsha qalyptasqan biregeı modeldi atap ótti.
«Bizdiń halqymyz memlekettiń ekonomıkalyq, rýhanı jáne mádenı áleýetiniń artýyna qosqan Sizdiń eńbegińizdi baǵalaıdy jáne Sizdi Tuńǵysh Prezıdent – Elbasynyń saıasatyn jalǵastyrýshy retinde kóredi», – dep jazdy Mıtropolıt.
Sonymen qatar, Memleket basshysyn sheteldik saıasat jáne qoǵam qaıratkerleri, halyqaralyq qurylymdardyń ókilderi, iskerler, sondaı-aq, jekelegen uıymdar da quttyqtady.
Olardyń arasynda Ekonomıkalyq yntymaqtastyq jáne damý uıymynyń Bas hatshysy A. Gýrrııa, Birikken ulttar uıymynyń Lıvan jónindegi arnaıy úılestirýshisi, Bas hatshynyń orynbasary ıA. Kýbısh, BUU bosqyndar isi jónindegi joǵarǵy komıssary F. Grandı, BUU Aýyl sharýashylyq azyq-túlik uıymy, Kóshi-qon halyqaralyq uıymynyń bas dırektory A.Vıtorıno, Halyqaralyq kóshi-qon uıymynyń Bas dırektory A. Vıtorıno, Bilim, ǵylym jáne mádenıet jónindegi Islam uıymynyń bas dırektory Sálim Muhamed ál-Málik, Jańa Zelandııanyń general-gýbernatory Petsı Reddı, Gvatemala Respýblıkasynyń Úkimeti, San-Marıno Respýblıkasynyń Kapıtan-Regentteri Nıkola Selva, Mıkele Mýratorı, Eýrazııa ekonomıkalyq komıssııasynyń ónerkásip jáne agroónerkásip kesheni jónindegi Kollegııa múshesi (mınıstr) A. Sýbbotın, Eýrazııa ekonomıkalyq odaǵy Sotynyń tóraǵasy J. Baıshev, TMD Ekonomıkalyq sotynyń tóraǵasy L.Kamenkova, TMD halyqaralyq parlamentaralyq assambleıasy Keńesiniń bas hatshysy D.Kobıtskıı, Italııa Respýblıkasynyń Parlamenti depýtattar Palatasynyń vıtse-prezıdenti E.Rozato, Polsha Respýblıkasynyń senatory R.Daýhen, RF Penza jáne Omby oblystarynyń gýbernatorlary I.Belozertsev pen A.Býrkov, Sberbank prezıdenti G.Gref, CNPC dırektorlary keńesiniń tóraǵasy Van Ilın, BTB bankiniń basqarma tóraǵasy A.Kostın, OADO qorynyń prezıdenti F.Skaletchı, «Renova» kompanııasynyń dırektorlar toby Keńesiniń tóraǵasy V.Vekselberg, «Paramaýnt Grýpp» tóraǵasy A.Ichıkovets, ArselorMıttaldyń vıtse-prezıdenti P.Kalon, High Vill Kazakhstan kompanııasynyń prezıdenti Ko Dong Hen, Dúnıejúzilik banktiń Eýropa jáne Ortalyq Azııa boıynsha vıtse-prezıdenti S.Mıýller, Access Industries CIS basshysy L. Blavatnık, «AQSh-Qazaqstan» bıznes-assotsıatsııasy, Máskeý memlekettik halyqaralyq qatynastar ınstıtýtynyń rektory A.Torkýnov, Qyrǵyz Respýblıkasynyń Úkimettik emes jáne kommertsııalyq emes uıymdary assotsıatsııasynyń tóraıymy T.Úmetálıeva, Temir joldar yntymaqtastyǵy uıymynyń komıtet tóraǵasy T.Shozda, Iısýs Hrıstos shirkeýiniń basshysy R.Nelson, Ózbekstandaǵy qazaqtardyń atynan Tashkent oblysynyń turǵyny M.Raıymbekov jáne basqalary bar.
Sondaı-aq, Memleket basshysyna Qazaqstan Respýblıkasynyń memleket qaıratkerleri O.Ábdikárimov, Sh.Qulmahanov, T.Mansurov, S.Toqpaqbaev, QR eńbek sińirgen qaıratkeri S.Erkimbekov, UQShU Parlamenttik assambleıasyndaǵy QR ókili V.Rogalev, jazýshy-dramatýrg J.Erǵalıev, Memlekettik qyzmet salasyndaǵy aımaqtyq habtyń basqarýshy komıtetiniń tóraǵasy Á.Baımenova, Qazaqstan halqy Assambleıasynyń múshesi B.Altynbekov, QR Bilim jáne ǵylym mınıstrliginiń saıasattaný jáne dintaný ınstıtýtynyń dırektory A.Bıjanov, akademıkter S.Qırabaev, Á.Beısenova, Qazaq PEN-klýbynyń prezıdenti B.Ǵabdýllın, ǵalymdar M.Sársembaev, M.Ótebaev, «Aýyl» halyqtyq-demokratııalyq partııasynyń tóraǵasy Á.Bektaev, 1999-2000 jyldardaǵy Qazaqstannyń Horvatııadaǵy qurmetti konsýly Z.Levaı, jazýshy S.Dosanov, aqyn Sh.Sarıev, tanymal jýrnalıster J.Omarov, M.Zakarın, halyq jazýshysy Qalıjan Bekhojınniń jubaıy Z.Bekhojına, Almaty oblysynyń qurmetti azamaty N.Qylyshbaev, soǵys ardageri I.Dabaev, densaýlyq saqtaý júıesiniń ardageri T. Sherııazdanuly, sotsıologııa ǵylymdarynyń doktory K.Ǵabdýllına, «Altyn» kompanııasynyń jetekshisi K.Asaýbaev, SÝZK AQ bas dırektorynyń orynbasary S.Grıgorev, qoǵam qaıratkeri S.Qasenov, Qyzylorda oblysynyń turǵyndary S.Túgelbaev, Q.Baımuratov, Almaty oblysynyń turǵyndary M.Jaýarov, Almaty turǵyny B.Kópesbaeva, O.Pıtaıkına, A.Starkov, Mańǵystaý oblysynan T.Túrikmenbaev, Shymkent qalasynan A.Nurabaeva, B.Bektóreev, Túrkistan oblysynyń turǵyny Ý.Jaqypbaev, Aqtóbe oblysynan A.Mataev, Mańǵystaý oblysynyń jastary, Ábdirashevter otbasy, ıAsaýı atyndaǵy HQTÝ Ókiletti Keńesiniń tóraǵasy M.Iyldyz jáne basqalar quttyqtady.
Qasym-Jomart Toqaevtyń atyna QR Ulttyq akademııalyq kitaphananyń, Qazaqstan-nemis ýnıversıtetiniń, A.Jubanov atyndaǵy daryndy balalarǵa arnalǵan mýzykalyq mektep-ınternatynyń, Beıbitshilik pen kelisim mýzeıiniń, QR Ulttyq kitaphanasynyń, Metallýrgııa jáne baıytý ınstıtýtynyń jáne «Astana Opera» teatrynyń, Horeografııa ulttyq akademııasynyń, Abaı atyndaǵy memlekettik akademııalyq opera jáne balet teatrynyń, Memlekettik akademııalyq bı teatrynyń, Qazaq ulttyq qyzdar pedagogıkalyq ýnıversıtetiniń, Jambyl atyndaǵy Qazaq memlekettik fılarmonııanyń, Zaǵıptar men nashar kóretinderge arnalǵan Respýblıkalyq kitaphanasynyń, «Saltanat» bı ansambliniń, «Qazaqstannyń Kemeratasy» klassıkalyq mýzyka ansambliniń, K.Báıseıitova atyndaǵy daryndy balalarǵa arnalǵan mýzykalyq mekteptiń, Aqtóbe oblystyq «PO Global-Spetsodejda» kásipornynyń, Eýrazııalyq toptyń, Áýezov atyndaǵy Qazaq akademııalyq drama teatrynyń, Qurmanǵazy atyndaǵy Qazaq ulttyq konservatorııanyń, QR Ulttyq mýzeıiniń, «ShOLPTAS» ÁÓK, O.Tańsyqbaev atyndaǵy Almaty dekoratıvti-qoldanbaly óner kolledjiniń, «Qazaqkontsert» memlekettik kontserttik uıymynyń, Seleznev atyndaǵy Almaty horeogafııalyq ýchılışesiniń, «Otyrar» arheologııalyq mýzeı-qoryǵynyń, Nur-Sultan qalasynyń memlekettik muraǵatynyń, «Astana Balet» teatrynyń, Ǵ.Músirepov atyndaǵy Qazaq memlekettik balalar men jasóspirimder teatrynyń, Respýblıkalyq nemis drama teatrynyń, Ál-Farabı atyndaǵy QazUÝ, QR bilim jáne ǵylym mınıstrligi ekonomıka ınstıtýty, A.Bekturov atyndaǵy hımııa ınstıtýtynyń, Abaı atyndaǵy QazUPÝ, Atyraý munaı-gaz ýnıversıtetiniń, Dýlatı atyndaǵy Taraz memlekettik ýnıversıtetiniń, «Botaı» memlekettik tarıhı-mádenı mýzeı qoryǵynyń, «Ordabasy» ulttyq tarıhı-mádenı qoryǵynyń, «Kóne Taraz eskertkishteri» memlekettik tarıhı-mádenı mýzeı qoryǵynyń, QR Prezıdenti janyndaǵy Qazaqstan strategııalyq zertteýler ınstıtýtynyń, T.Júrgenov atyndaǵy Qazaq ulttyq óner akademııasynyń, Lermontov atyndaǵy memlekettik akademııalyq orys drama teatrynyń, «Bank «TsENTRKREDIT» AQ, «Antıterror» arnaıy oqý ortalyǵynyń, «Tańbaly» memlekettik tarıhı-mádenı jáne tabıǵı qoryq mýzeıiniń, «Áziret Sultan» Memlekettik tarıhı-mádenı qoryq mýzeıiniń, «Esik» Memlekettik tarıhı-mádenı qoryq murajaıynyń, N.Sats atyndaǵy balalar men jasóspirimderdiń memlekettik akademııalyq orys teatrynyń ujymynan jáne basqalardan quttyqtaýlar kelip tústi.
Memleket basshysyna ózderiniń izgi tilekterin birqatar qoǵamdyq uıymdar men Qazaqstannyń etnomádenı birlestikteriniń ókilderi joldaǵan. Atap aıtqanda, «Asyl bala» qoǵamdyq qory, «Dınamo» Qazaqstan dene shynyqtyrý jáne sport qoǵamy, «Vıara» Aqtóbe bolgar qoǵamdyq birlestigi, Qazaqstan stýdentter alıansy, «Qarýly Kúshter ardagerleri» respýblıkalyq qoǵamdyq birlestiginiń ortalyq keńesi, «Baıtaq Bolashaq» ekologııalyq alıansy» respýblıkalyq qoǵamdyq birlestigi, Qostanaı oblystyq Qazaqstan Halqy Assambleıasynyń analar keńesi, Qazaqstannyń jas kásipkerler assotsıatsııasy, S.Nurmaǵambetov atyndaǵy qordyń tóraǵasy M.Nálibaev, «Qazaq tili» halyqaralyq qoǵamynyń prezıdenti Ó.Aıtbaıuly, Pavlodar oblystyq ardagerler keńesiniń tóraǵasy R.Shókeev, Aqmola oblystyq «Qazaq tili men ádebıeti»qoǵamdyq birlestiginiń tóraǵasy, M.Qıyqov, «Uly dala aýyldary» qoǵamdyq birlestiginiń tóraǵasy O.Nazarov, «Sangı-Kabýd» tájik ulttyq mádenı ortalyǵynyń tóraǵasy Ý. Shonazarov, «Vaınah» Aqmola sheshen-ıngýsh qoǵamynyń tóraǵasy G. ıAndıev, «Taldyqorǵan qalasy júrgizýshiler odaǵy» Assotsıatsııasynyń tóraǵasy B.Ábdirasov, «Shyraǵym» Qazaqstandaǵy kóshbasshy áıelderdi qoldaý qoǵamynyń dırektory Z. Jumabaeva, Qaraǵandy evreı mádenı ortalyǵynyń tóraǵasy V. Molotov-Lýchanskıı, Qazaqstan uıǵyrlarynyń respýblıkalyq etnomádenı ortalyǵynyń ókilderi, «Tatar jáne bashqurt Qazaqstan kongresi» respýblıkalyq qoǵamdyq birlestigi basqarmasynyń tóraǵasy T.Karımov, «Sybaılas jemqorlyqty joıý jónindegi komıtet» qoǵamdyq birlestiginiń tóraǵasy Ó.Asqarbaev, Respýblıkalyq áıelder keńesiniń tóraǵasy N.Kaıýpova jáne basqalar.
Memleket basshysy óz atyna kelip túsken quttyqtaýlardyń bárimen muqııat tanysyp shyǵyp, hat joldaǵandarǵa jyly lebizderi men shynaıy kóńilderi úshin rızashylyǵyn bildirdi.
