Memleket basshysynyń ár tapsyrmasy boıynsha naqty sharalar qabyldaý qajet - QR Premer-Mınıstri
ASTANA. 30 qarasha. QazAqparat - Búgin QR Premer-Mınıstri Serik Ahmetov 28 qarashada Aqordada Memleket basshysynyń barlyq deńgeıdegi ákimdermen kezdesýi barysynda júktegen tapsyrmalaryn oryndaý boıynsha jıyn ótkizdi.
Bul týraly QR Premer-Mınıstriniń baspasóz qyzmetinen habarlady.
S. Ahmetov «Memleket basshysynyń tapsyrmalaryn tez arada oryndaýdy uıymdastyrýdyń» mańyzdylyǵyn atap ótti. Osyǵan baılanysty Premer-Mınıstr Elbasynyń tapsyrmalaryn oryndaý boıynsha ortalyq atqarýshy organdardyń basshylaryna naqty mindetterdi júktedi.
«Memleket basshysynyń ár tapsyrmasy boıynsha naqty sharalar qabyldaý qajet. Meniń orynbasarlaryma Memleket basshysy tapsyrmalarynyń mazmundyq jaǵyna jáne olardyń sapaly oryndalýyna qatysty jumys júrgizýge, tapsyrmalardy júzege asyrý barysyn jiti qadaǵalaýǵa tapsyramyn», - dedi Premer-Mınıstr.
