13:48, 20 Jeltoqsan 2019 | GMT +6
Memleket basshysy: Jumys berýshilerdiń 5 paıyzdyq zeınetaqy jarna tóleýine qatysty daý-damaı basylar emes
NUR-SULTAN. QazAqparat - Jumys berýshilerdiń mindetti 5 paıyzdyq zeınetaqy jarnasyn tóleýine qatysty daý-damaı basylar emes. Bul týraly búgin Ulttyq qoǵamdyq senim keńesiniń ekinshi otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Taǵy bir mańyzdy másele - zeınetaqy júıesin jańǵyrtý. Jumys berýshilerdiń mindetti 5 paıyzdyq zeınetaqy jarnasyn tóleýine qatysty daý-damaı basylar emes. Muny 2020 jyldyń 1 qańtarynan bastaý kózdelgen bolatyn. Alaıda, áli kúnge barshaǵa ortaq ustanym joq. Sondyqtan jumys berýshilerdiń mindetti zeıtaqy jarnasyn engizý merzimi keıinge 2023 jylǵa shegerildi. Men buǵan egjeı-tegjeıli toqtalmaı-aq qoıaıyn», - dep atap ótti Memleket basshysy.
Qasym-Jomart Toqaevtyń atap ótýinshe, bul másele Ulttyq keńes músheleriniń áleýmettik-ekonomıkalyq saladaǵy basqa da kóptegen usynystary sııaqty Prezıdent Joldaýynyń aıasynda qazirdiń ózinde júzege asyrylyp jatyr.
