Memleket basshysy Joldaýynda muǵalimderdi qoldaý jalǵasatynyn aıtty

NUR-SULTAN. QazAqparat - Muǵalimniń jalaqysy ósip edi, mártebesi de artty. Qazir mektepke jumysqa turǵysy keletinder, pedagogıka mamandyqtaryna túskisi keletinder kóbeıgen. Sapaly, bilikti mamandar mektepke oralyp jatyr. Bul faktor bilim salasyna serpin bereri sózsiz, dep jazady Dáýren Seıitjanuly Facebook-tegi paraqshasynda.

Memleket basshysy búgingi Joldaýynda da muǵalimderdi qoldaý jalǵasatynyn aıtty.

«Bıylǵy jyldyń qańtar aıynan bastap pedagogtardyń jalaqysy 25%-ǵa ósti. Kelesi 3 jylda osy maqsatqa 1,2 trln teńge bólinedi. Qabyldanǵan sharalar óz nátıjesin kórsetip jatyr. Atap aıtqanda, pedagogıkalyq mamandyqqa túsetinderdiń ortasha baly kóbeıdi. Muǵalimderdi qoldaý saıasatyn jalǵastyra beremiz» dedi Prezıdent.