Memleket basshysy Joldaýdy júzege asyrý jóninde arnaıy jospar bekitý týraly Jarlyqqa qol qoıdy

NUR-SULTAN. QazAqparat – QR Prezıdenti Qasym-Jomart Toqaev 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýyn iske asyrý jónindegi sharalar týraly Jarlyqqa qol qoıdy, dep habarlaıdy QazAqparat Aqordanyń resm saıtyna silteme jasap.

Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýyn iske asyrý jónindegi sharalar týraly

Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýyn iske asyrý maqsatynda QAÝLY ETEMІN:

1. Qosa berilip otyrǵan Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýyn iske asyrý jónindegi jalpyulttyq is-sharalar jospary (budan ári – Jalpyulttyq jospar) bekitilsin.

2. Qazaqstan Respýblıkasynyń Úkimeti:

1) Jalpyulttyq jospar is-sharalarynyń múltiksiz jáne ýaqtyly oryndalýyn, sondaı-aq Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýynyń erejeleri boıynsha aqparattyq-túsindirý jumysyn júıeli negizde júrgizýdi qamtamasyz etsin;

2) esepti jyldan keıingi jyldyń 25 qańtaryna deıin Qazaqstan Respýblıkasy Prezıdentiniń Ákimshiligine Jalpyulttyq jospardyń oryndalý barysy týraly aqparat usynsyn.

3. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń, ortalyq jáne jergilikti atqarýshy organdardyń, basqa da memlekettik organdardyń birinshi basshylary Jalpyulttyq jospar is-sharalarynyń múltiksiz jáne ýaqtyly oryndalýyn qamtamasyz etsin.

4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.

5. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q.Toqaev

Nur-Sultan, Aqorda, 2022 jylǵy 29 naýryz

№ 847