Memleket basshysy jıynǵa kelgen ákim-qaranyń usynys aıtpaı únsiz bas shulǵyp ketetinin synǵa aldy
ASTANA. QazAqparat - Búgin Aqordada ótip jatqan QR Úkimetiniń keńeıtilgen quramdaǵy otyrysynda Elbasy Nursultan Nazarbaev ákimderdiń jıyndardy usynys aıtpaı únsiz ketetinin synady.
«Jınalysqa jer-jerden kelgende árqaısylaryń daıyndalyp kelýleriń kerek. Tek qana meni tyńdap kete bermeı, oılaryńyz bolsa aıtyńyzdar. Memleket basshylarynyń, Úkimet músheleriniń, ákimderdiń jergilikti máselelerdi aıtqan sózinen, usynystarynan baryp jalpy sheshim shyǵady. Sondyqtan úndemeı otyrǵandy qoıyńdar. Anaý kúni «Samuryq-Qazynanyń» transformatsııasyna kelgen batystyń dókeı professorlary: «Ár jerde kelisimmen sheshetin bolsaq, mysaly zaýyttyń tsehynda, onda ary qaraı durys sheshim shyǵatyn bolady» deıdi. Onysy ras. Biz baıaǵydaı jınap alamyz da, sóılep, sóılep qoıa beremiz. Eshkim eshqandaı usynys jasamaıdy, olaı bolmaýy kerek. Bir-birimizdi tyńdaýymyz kerek. Unaı ma, unamaı ma, basqa másele. Sonyń barlyǵy elge qyzmet isteıtin bolsa tyńdaý kerek», - dedi Elbasy.
