Memleket basshysy jergilikti atqarýshy organdardyń ınternet saıttaryn syn tezine aldy

dep habarlaıdy QazAqparat.

«Oblystarda ınternet-saıttar paıda boldy, alaıda olar óte formaldy, derekteri eskirgen. Birqatary blogtar ashqan, alaıda olardyń tıimdiligi jaıly sóz qozǵaýdyń ózi artyq. Suraqtarǵa berilgen jaýaptar da syn kótermeıdi», dedi N. Nazarbaev búgin Aqordada Úkimet músheleriniń jáne ákimderdiń qatysýymen ótken keńeste.

Osy oraıda Prezıdent ákimderge ózderiniń áriptesteriniń saıttaryn qarap shyǵýǵa keńes berdi.

Sonymen qatar Memleket basshysy ákimderdi bastamalardy kóptep kóterýge shaqyrdy. «Jergilikti jerlerde bastamany kóptep kóterińizder. Baǵdarlamalardyń barlyǵyn Prezıdent usynyp, Úkimet ázirleýi tıis pe? Sizderdiń usynystaryńyz qaıda?», dedi Prezıdent ákimderge qaratyp aıtqan sózinde.