Memleket basshysy jasyl ınvestıtsııalar naryǵyn keńeıtý boıynsha naqty usynys engizýdi tapsyrdy
NUR-SULTAN. QazAqparat – Otandyq Fintech qyzmetterdiń damýy men eksportynyń aıtarlyqtaı áleýmeti bar. Bul týraly Sheteldik ınvestorlar keńesiniń 33-jalpy otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«2020 jyl otandyq Fintech salasyndaǵy jetistiktermen belgili boldy. Ótken jyly qazaqstandyq Kaspi.kz Fintech-kompanııasy London qor bırjasynda ІRO ótkizdi. Kompanııa qazirgi sátte naryqtyq kapıtaldanýy 17 mlrd dollarǵa jetken elimizdegi eń qymbat jarııa kompanııaǵa aınaldy. Buǵan qosa, oǵan ınvestıtsııa AQSh, Eýropa, Azııanyń jahandyq ınvestıtsııalyq qorlarynan kelip otyr. Bul otandyq Fintech qyzmetterdiń damýy men eksportynyń aıtarlyqtaı áleýeti bar ekendigin bildiredi», - dedi QR Prezıdenti.
Memleket basshysynyń atap ótýinshe, «Astana» halyqaralyq qarjy ortalyǵy bazasynda FinTech Lab retteýshi qumsalǵyshy iske qosyldy. Onyń aıasynda ınnovatsııalyq qyzmetterdiń 7 túri kórsetiledi.
«Úkimet KPMG kompanııasynyń jetekshi halyqaralyq tehnologııalyq kompanııalardy jumys ótili bar qazaqstandyqtardy tartý jáne damytý baǵdarlamasyn iske qosý jónindegi bastamasyn qoldaýy qajet dep eepteımin. Doıche banktiń Environmental, social and governance-pen baılanysty jasyl oblıgatsııalar jáne qarjy quraldaryn keńinen iske qosý usynysy da tartymdy. Ulttyq bankke, Qarjylyq retteý agenttigine jáne «Astana» halyqaralyq qarjy ortalyǵyna Doıche banktiń usynysyn zerdeleýdi jáne Qazaqstanda jasyl ınvestıtsııalar naryǵyn keńeıtý boıynsha naqty usynys engizýdi tapsyramyn», - dedi Qasym-Jomart Toqaev.
