Memleket basshysy jastarǵa mamandyq ıgerýge qatysty keńesin aıtty
ASTANA. QazAqparat - Búgin Astanadaǵy Táýelsizdik saraıynda Qazaqstan halqyna Joldaýyn jarııalaý barysynda Elbasy Nursultan Nazarbaev osylaı málimdedi.
Sóz arasynda jumysshy mamandyǵyn ıgerý máselelerine qatysty baıandaı kele, Elbasy jastar úshin jasqanbaýdyń mańyzdy ekenin eskertti. Prezıdenttiń aıtýynsha, aınalanyń bárinde de jumysshynyń «altyn qolynan» shyqqan dúnıeler, mysaldar tolyp jatyr. Bul rette N. Nazarbaev eńbek adamy qashanda eleýli bolýy tıistigin, sol úshin arnaıy nagrada bekitilgenin aıtty.
«Jumysshy mamandyqtaryn ıgerý kerek. Mektep bitirgen soń bireýleri kolledjge, ýnıversıtetke túsedi, bireýleri armııa qataryna attanady. Degenmen, olardyń otyz paıyzy qalady. Olar mamandyq alýlary kerek. Bul jerde men ózimniń de bir kezderi jumysshy kıimin kıip, domna peshterinde eńbek etkenimdi eske sala ketken artyq bolmaıdy dep oılaımyn. Qolymda kúrek, 40h40, kúrekpen kóp alyp, alysqa laqtyrý kerek bolatyn. Sosyn salmaǵy 15 keli tartatyn súımen de qoldan túspeıtin edi. Osyndaı jumysshy kıimimen, anadaı qural-saımanmen men 9 jyl jumys istedim. Menen úlgi alsańdar jaman bolmaısyńdar. Óıtkeni jyldar óte kele, sender qandaı taǵdyrǵa tap bolsańdar da, bul ómirlik tájirıbe óz paıdasyn tıgizedi», - dedi N. Nazarbaev.
