Memleket basshysy jasap jatqan is-sharalardyń barlyǵyn qoldaıyq - Álimjan Qurtaev

NUR-SULTAN. QazAqparat - QR Parlamenti Senatynyń depýtaty Álimjan Qurtaev Memleket basshysy Qasym-Jomart Toqaevtyń jasap jatqan is-sharalarynyń barlyǵyn qoldaýǵa shaqyrdy, dep habarlaıdy QazAqparat tilshisi.

«Ardaqty aǵaıyn! Lańkesterdiń, mynaý terrorıstik toptardyń aldaýyna ermeýge, barlyq narazylyqtar, barlyq kelispeýshilikterdi zań aıasynda sheshýge shaqyramyz. Ata-babalarymyzdyń ǵasyrlar boıy ańsaǵan armany - egemendik edi. Sol egemendigimizdiń máńgilik bolýy - búgingi tańda sizder men bizderdiń qolymyzda. Sizder men bizderdiń mindetimiz dep túsinýimiz qajet. Osyndaı jaǵdaıda el Prezıdentiniń aınalysynan tabylyp, Qasym-Jomart Kemeluly Toqaevtyń jasap jatqan is-sharalarynyń barlyǵyn qoldaýǵa shaqyramyn», - dedi Senat depýtaty.