Memleket basshysy jarylys saldarynan qaıtys bolǵandardyń úı ishine kóńil aıtty
NUR-SULTAN. QazAqparat – Prezıdent Qasym-Jomart Toqaev Jambyl oblysyndaǵy tótenshe oqıǵa boıynsha ótken shuǵyl jınalysta qaıtys bolǵan azamattardyń úı-ishine kóńil aıtty, dep habarlaıdy QazAqparat tilshisi.
«Qarýly Kúshterimizdiń oq-dárisi saqtalatyn qoımanyń birinen órt shyqty. Artynan birneshe jarylys boldy. Jergilikti turǵyndar aman-esen. Ókinishke qaraı, áskerı qyzmetshiler men qutqarýshylar arasynda adam shyǵyny bar. Olar qyzmettik mindetin atqarý barysynda erlikpen qaza tapty. Qaıtys bolǵan azamattardyń otbasyna qaıǵylaryna ortaqtasyp, kóńil aıtamyn. Jaraqat alǵan adamdardyń tezirek saýyǵyp ketýin tileımin, – dedi Memleket basshysy.
Sondaı-aq, Memleket basshysy Bas Prokýratýra men Іshki ister mınıstrligine Jambyl oblysyndaǵy oqys oqıǵanyń mán-jaıyn jáne kinálilerdi anyqtaý úshin sotqa deıingi tergeý amaldaryn muqııat júrgizýdi tapsyrdy.
«Bas prokýratýra men Іshki ister mınıstrligine oqys oqıǵanyń mán-jaıyn jáne kinálilerdi anyqtaý úshin sotqa deıingi tergeý amaldarynyń muqııat júrgizýdi qamtamasyz etsin. Besinshi másele, Іshki ister mınıstrligi múddeli memlekettik organdarmen birlesip, qoǵamdyq tártipti, azamattardyń qaýipsizdigi men dúnıe-múlkiniń saqtalýyn qamtamasyz etý úshin keshendi sharalar qabyldasyn», - dedi Qasym-Jomart Toqaev.
