Memleket basshysy Jańaózen qalasyn damytýǵa nazar aýdardy
AQTAÝ. QazAqparat - Aqtaý qalasyndaǵy Dostyq úıinde jurtshylyqpen kezdesý barysynda QR Prezıdenti Qasym-Jomart Toqaev Jańaózen qalasyn damytýǵa nazar aýdardy, dep habarlaıdy QazAqparat Aqordanyń Týıtterdegi paraqshasyna silteme jasap.
«Óńirdegi taǵy bir mańyzdy másele - Jańaózen qalasyn damytý. Qala turǵyndaryn jumyspen, baspanamen qamtý jáne áleýmettik ınfraqurylymdy damytý - negizgi mindet», - dedi kezdesý barysynda Memleket basshysy.
Prezıdenttiń aıtýynsha, Úkimet osyǵan qatysty jospar ázirlegen.
«Bul másele boıynsha Úkimet keshendi jospar ázirlegen ári ony mindetti túrde júzege asyrý kerek», dedi Qasym-Jomart Toqaev.
Sondaı-aq, Prezıdent Aqtaý qalasynda Jańaózen turǵyndaryn jumyspen, turǵyn úımen jáne jataqhanamen qamtamasyz etý úshin kvota qarastyrý kerektigin jetkizdi.
