Memleket basshysy Jańa jyldy qalaı qarsy alatynyn aıtty

ASTANA. QazAqparat - Elbasy Nursultan Nazarabaev otandyq BAQ ókilderimen ótken kezdesýde Jańa jyl merekesin qalaı qarsy alatyny týraly suraqqa jaýap berdi, dep habarlaıdy QazAqparat.

«Bala kezden bul merekeni erekshe sezimmen kútip óstik. Óskende de bul ádet joǵalmaıdy. Jańa jyl qandaı da bir qupııa, eliktiretin jańa úmit bolyp kórinedi.  Qazir de balalarymmen birge, dál osyndaı sezimmen kútemin. Degenmen, bizdiń jańa jylymyz - Naýryz. Myna Jańa jyldy І Petr  Eýropadan ákelgen. Orystardyń da Jańa jyly basqa edi. Mine, sińip ketti», - dep kúldi Prezıdent. 

Sonymen birge, Nursultan Nazarbaev jańa jylǵa qýanyshty sezimmen birge alańdaýshylyq ta bar ekenin jasyrmady.

«Men úshin Jańa jyldyń basqa da maǵynasy bar. Birden kelesi jyldyń kestesin oılastyramyn. Bizdiń keste tutas bir jylǵa jasalady. Álemdik ekonomıka men saıasat týraly  alańdaýshylyq ta bar. Tolǵan qarama-qaıshylyqtar bizdiń ekonomıka men ómirimizge qalaı áser etedi? Qazaqstan qaı ustanymda qalýy tıis? Qandaı kelissózder júrgizý kerek? Osyndaı aralas sezimmen qýanyshty merekeni kútemin jáne 12-den keıin qalypty ómir bastalyp ketedi», - dep atap ótti Elbasy.