Memleket basshysy: Úsh kúnde tólem kartalaryn qashyqtan alý máselesin sheshýdi tapsyramyn
NUR-SULTAN. QazAqparat - Úsh kúndik merzimde tólem kartalaryn qashyqtan alý máselesin sheshý qajet. Bul týraly Tótenshe jaǵdaı rejımin qamtamasyz etý jónindegi memlekettik komıssııanyń otyrysynda Memleket basshysy Qasym-Jomart Toqaev aıtty, dep habarlaıdy QazAqparat
«Tólem kartasyn alý eń ótkir máselelerdiń biri. Tek qana tehnıkalyq ınfraqurylym ǵana emes, sonymen birge memlekettik organdardyń normatıvtik ortasy, bıznes-protsessteri daıyn bolmaı shyqty. Túrli syltaýlarmen kartalardy jeńildetip shyǵarý sozylyp barady. Al bul qolma-qol aqshasyz esep aıyrysýdyń, kólegeıli tólemder kólemin tómendetýdiń shynaıy múmkindigi. Úsh kúnde tólem kartalaryn qashyqtan alý máselesin sheshýdi tapsyramyn», - dedi QR Prezıdent.
