Memleket basshysy úsh deńgeıli Eńbek dańqy ordenin bekitý týraly sheshim qabyldady

ASTANA. QazAqparat - QR Prezıdenti úsh deńgeıli Eńbek dańqy ordenin bekitý týraly sheshim qabyldady. Búgin Astanadaǵy Táýelsizdik saraıynda ótip jatqan Indýstrııalandyrý kúni aıasyndaǵy jıyn barysynda sóz sóılegen Elbasy Nursultan Nazarbaev osylaı málimdedi.

«Masyldyqtyń kúni ótti, biz - eńbekshil elmiz. Bul rette bizdiń isimiz - bárine jumys berý. Sondyqtan da, Úkimet, Parlament, BAQ - bári eńbek adamyn kótermeleýleri kerek. Sondyqtan da men úsh deńgeıden turatyn arnaıy Eńbek dańqy ordenin bekitý týraly sheshim qabyldadym», - dedi Nursultan Nazarbaev.

Bul rette Elbasy úsh deńgeıli ordenge ıe bolǵandar «Eńbek Eri» ataǵymen teńesetinin jetkizdi.

«Bul orden sharýalarǵa, eńbek adamdaryna, jumysshylar dınastııasyna beriletin bolady. Óıtkeni, bári sonda qalyptasady, bári osyndaı ortada jasalady. Sondyqtan da eńbek adamyn kókke kóterý kerek. Búkil álem eńbek adamynyń, jumysshynyń arqasynda kún kóredi», - dedi N. Nazarbaev.