Memleket basshysy «Ulttyq qaýipsizdik týraly» Zańnyń jańa redaktsııasyn ázirleýdi tapsyrdy

QR Prezıdenti baspasóz qyzmetiniń habarlaýynsha, Memleket basshysy bul tapsyrmany búgin Aqordada ótken QR Qaýipsizdik Keńesiniń kezekti otyrysynda berdi.

«N.Á.Nazarbaev Úkimetke jáne memlekettik organdarǵa birqatar tapsyrmalar berdi. Atap aıtqanda, «Ulttyq qaýipsizdik týraly» Zańnyń jańa redaktsııasyn jáne osy saladaǵy strategııalyq qujattardy ázirleýdi, ishki ister organdary týraly jańa zań ázirleýdi, jer qoınaýyn paıdalanýshylar qabyldaǵan qarjylyq mindettemelerdiń oryndalýyna baqylaý jasaýdy, atomdyq salany damytý baǵdarlamasyn ázirleýdi, teńiz munaı operatsııalary jáne ózge jaǵdaılar kezinde tehnogendik tótenshe jaǵdaılardan saqtap qalý jóninde sharalar qabyldaýdy tapsyrdy», - delingen bapsasóz qyzmetiniń habarlamasynda.