Memleket basshysy: Ulttyq bankti qyspaqqa alýdy qoıyńdar!

ASTANA. QazAqparat - QR Prezıdenti Nursultan Nazarbaev depýtattar arqyly Ulttyq bankke qysym jasaıtyndarǵa eskertý jasady, dep xabarlaıdy QazAqparat tilshisi.

«Depýtattar arqyly Ulttyq bankti qyspaqqa alýdy doǵaryńdar! Ne bolyp ketti ózi? Men bir nárseni túsinbeımin, sońǵy kezde Ulttyq banktiń tóraǵasy bolsyn, mınıstr bolsyn, depýtattar bárin ortaǵa salyp, qyspaqqa alady. Ulttyq banktiń tóraǵasy tikeleı Prezıdentke baǵynady. Sondyqtan ondaıdy qoıý qajet. Ol durys emes. Biz olaı jumys istegen joqpyz. Ulttyq bank durys joldy ustap keledi. Bank júıesin qalpyna keltiremiz. Eldiń aldynda turǵan mindetterdi oryndaıtyn bolamyz», - dedi N.Nazarbaev Aqordada ótken keńeste.

Aıta keteıik, búgin QR Prezıdenti Nursultan Nazarbaev Ulttyq banktiń esebin tyńdap, osy salada atqarylǵan jumysqa oń baǵa berdi.

Memleket basshysy birqatar bankterge eskertý jasady.

Sondaı-aq, «7-20-25» baǵdarlamasyn tezdetip bastaýdy tapsyrdy.