Memleket basshysy Úkimetke mektepke deıingi bilimmen qamtamasyz etetin «Balapan» atty baǵdarlama ázirleýdi tapsyrdy

dep habarlaıdy QazAqparat.

«Aldaǵy bes jyl ishinde Úkimet metall ónimderiniń eksportynyń eki esege artýyn qamtamasyz etýi tıis. Al 2015 jylǵa qaraı bıýdjet kiristeri jańa jobalar esebinen 400 mlrd. teńgege deıin ósýi kerek. Bul rette shıkizat sektoryna táýeldilik te tómendeı túsýi shart », dedi N. Nazarbaev.

Sonymen birge, Elbasy el ekonomıkasyn jańǵyrtýdyń tıimdi júrgizilýi eń aldymen qazaqstandyqtardyń bilimine, kóńil kúılerine de tikeleı baılanysty ekendigin atap ótti. «Sondyqtan da 2020 jylǵa qaraı barlyq, aýyldyq jáne qalalyq jerlerdegi balalar mektepke deıingi tárbıe jáne oqytý mekemelerimen qamtamasyz etilýi shart. Bul úshin bizdiń múmkindikterimiz de, memlekettik-jeke áriptestiktiń áleýetteri de jetkilikti. Jeke, otbasylyq balalar baqshasy, arnaıy shaǵyn ortalyqtar memlekettik mekemelerge balama bola alady. Osyǵan oraı, Úkimetke ákimdermen birlese otyryp «Balapan» atty baǵdarlama ázirlep, ony aǵymdaǵy jyldan bastap júzege asyrýǵa kirisýdi júkteımin. Atalǵan baǵdarlama balalardy mektepke deıingi bilimmen jáne tárbıemen qamtamasyz etetin bolady», dedi ol.