Memleket basshysy: Úkimet jańa redaktsııada «Memlekettik satyp alý týraly» zań jobasyn ázirleýi qajet
ASTANA. QazAqparat - Búgin 5-shi shaqyrylǵan QR Parlamentiniń 4-shi sessııasynyń ashylýynda Elbasy Nursultan Nazarbaev aǵymdaǵy jyldyń sońyna deıin Úkimetke «Memlekettik satyp alý týraly» zań jobasyn ázirleýdi júktedi.
«Jemqorlyqtyń barynsha joǵary táýekelderi memlekettik satyp alýlar salasynda saqtalyp otyr. Kásipkerler problemalaryn sheshý men sybaılas jemqorlyq táýekelderin tómendetý úshin 2014 jyldyń aıaǵyna deıin Úkimet jańa redaktsııada «Memlekettik satyp alý týraly» zań jobasy ázirlep, Parlamentke engizýi tıis»,-dedi Elbasy.
Sonymen qatar, Prezıdent qazirgi kezde halyqtyń tabysy men shyǵysynyń jalpyǵa birdeı deklaratsııalaýyna kóshý boıynsha zańnamalyq ózgeristerge daıyndyq júrip jatqandyǵyna toqtala kele, deklaratsııalaýdy tolyq engizýdi 2017 jyldan bastap qamtamasyz etý kerektigin atap ótti.
