Memleket basshysy: Úkimet pen quzyrly organdardyń mindeti – qarjynyń tıimdi jumsalýyn qamtamasyz etý
NUR-SULTAN. QazAqparat - Kóktemgi egis naýqany máseleleri sheshimin tapty. Bul týraly QR Prezıdenti Qasym-Jomart Toqaevtyń málimdemesinde aıtylǵan, dep habarlaıdy QazAqparat tilshisi.
«Aýyl sharýashylyǵy eńbekkerleri qıyndyqqa qaramastan jumys isteýde. Sharýalardyń eńbegine dán rızamyz. Kóktemgi egis naýqany máseleleri sheshimin tapty. Bul jumysqa eshqandaı kedergi bolmaýy kerek. Aýyl sharýashylyǵy mınıstrligine jáne ákimderge osyndaı mindet júkteledi», - dedi QR Prezıdenti.
Memleket basshysynyń dereginshe, osy naýqanǵa jáne ónimdi aldyn ala satyp alýǵa 200 mlrd teńge bólindi. Sonyń 70 mlrd-y tuqym óndirisin damytýǵa, tyńaıtqyshtar satyp alýǵa jumsalady.
«Jalpy, azamattar men bıznesti qoldaý úshin 6 trıllıon teńgege jýyq qarjy bólinip otyr. Bul – qomaqty qarajat. Úkimet pen quzyrly organdardyń mindeti – qarjynyń tıimdi jumsalýyn jáne osy úderistiń barynsha ashyq bolýyn qamtamasyz etý», - dedi Qasym-Jomart Toqaev.
