Memleket basshysy Túrkistan qalasyndaǵy «Sapar ortalyǵynyń» jumysymen tanysty
NUR-SULTAN. QazAqparat - Memleket basshysy Túrkistan qalasyndaǵy «Sapar ortalyǵynyń» jumysymen tanysty, dep habarlaıdy Aqordanyń resmı saıty.
«Sapar ortalyǵy» bıyl iske qosylǵan óńirdegi mańyzy zor nysan. Qazaqstan Prezıdentine týrıstik nysandardy biryńǵaı elektrondy bıletpen qamtý júıesi, týrısterge usynylatyn marketıngtik aqparat jáne aýdıogıd materıaldary jóninde baıandaldy.
Jalpy kólemi 2092 sharshy metr aýmaqty alyp jatqan ortalyqta 54 adam jumys isteıdi. Olar Túrkistanǵa kelgen týrısterge baǵyt-baǵdar berip, qajetti materıaldarmen qamtyp, zamanaýı talaptarǵa saı qyzmet kórsetedi.
Qasym-Jomart Toqaev «Qazaq handyǵy» atty zalda ornalasqan ekspozıtsııalarmen tanysty. Sonymen qatar Prezıdent qoldan jasalǵan kóne kilemderdiń kórmesin aralap kórdi.
