Memleket basshysy turǵyn úı- kommýnaldyq sharýashylyq sektoryna qatysty Úkimetke tapsyrma berdi
ASTANA. Qańtardyń 29-y. QazAqparat /Marlan Jıembaı/ - QR Prezıdenti el Úkimetine 2010 jyly «Jol kartasy» jospary boıynsha bastalǵan turǵyn úı-kommýnaldyq sharýashylyq sektoryndaǵy nysandardy jóndeý jumystaryn odan ári jalǵastyrýǵa tapsyrma berdi.
Bul týraly Memleket basshysy Nursultan Nazarbaev búgin Parlament palatalarynyń birlesken otyrysynda Qazaqstan halqyna arnaǵan «Jańa onjyldyq - Qazaqstannyń jańa ekonomıkalyq órleýi, jańa múmkindikteri» Joldaýynda aıtty.
«Men Úkimetke 2010 jyly «Jol kartasy» jospary boıynsha bastalǵan turǵyn úı-kommýnaldyq sharýashylyq sektoryndaǵy nysandardy jóndeý jumystaryn odan ári jalǵastyrýǵa, al 2011 jyly turǵyn úı-kommýnaldyq sharýashylyqty 2020 jylǵa deıin aýqymdy jańartý josparyn árileýdi tapsyramyn», dedi Elbasy.
