Memleket basshysy turaqtandyrý qorlarynyń jumysyn synǵa aldy

ASTANA. QazAqparat –Memleket basshysy Qasym-Jomart Toqaev Úkimettiń keńeıtilgen keńesinde turaqtandyrý qorlarynyń jumysyn synǵa aldy, dep habarlaıdy QazAqparat tilshisi.

«Otandyq ónim kólemin arttyrýdan bólek baǵanyń kúrt ósýin boldyrmaý úshin turaqtandyrý qorlaryn durys paıdalaný qajet.

Búginde olar shashyrańqy ári jabyq áreket etip otyr. Sybaılas jemqorlyq shemalary udaıy áshkere bolyp jatyr.

Sondyqtan Azyq-túlik korporatsııasy men áleýmettik-kásipkerlik korporatsııalardaǵy turaqtandyrý qorlarynyń negizgi mańyzǵa ıe taýar baǵasyn ınterventsııalaý men satyp alýdaǵy áleýetin paıdalanyp, úılestirý jumystaryn kúsheıtý kerek», - dedi Prezıdent.

Memleket basshysynyń paıymynsha, bul baǵyttaǵy tásilderdiń birizdiligi, memlekettik kompanııalardyń baǵa aýytqýyn tómendetýge baǵdarlanýy ınflıatsııaǵa qarsy naryqtyq qural qalyptastyrýǵa múmkindik bermek.

Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.