Memleket basshysy «Total barlaý jáne óndirý» kompanııasynyń prezıdentimen kezdesti
Kezdesý barysynda Qasym-Jomart Toqaev Qazaqstannyń halyqaralyq kompanııamen jemisti yntymaqtastyǵyn atap ótti.
– Qashaǵan boıynsha jáne basqa da energetıkalyq jobalar boıynsha tabysty yntymaqtastyq ornattyq. Jalpy, bári jaqsy júrip jatyr dep oılaımyn, – dedi Qazaqstan Prezıdenti.
Arno Breııak Memleket basshysyna kezdeskeni úshin alǵys aıtyp, «Total» men Qazaqstan arasyndaǵy, sonyń ishinde Qashaǵan ken ornyn ıgerý konsortsıýmy aıasyndaǵy jemisti yntymaqtastyqtyń jalǵasa beretinine senim bildirdi.
– Men atalǵan joba boıynsha kóp jyldan beri jumys istep kelemin. Biz qazir Qashaǵandaǵy óndirý deńgeıiniń joǵary ekenine óte qýanyshtymyz. Degenmen, óndirýdi arttyrý úshin áleýetimiz jetkilikti. Jobanyń qaýipsiz ári tıimdi jumys isteýine óz úlesimizdi qosýǵa daıynbyz, – dedi kompanııa basshysy.
