Memleket basshysy «Tech Garden» ınnovatsııalyq klaster ortalyǵynyń jumysymen tanysty

ALMATY. QazAqparat – Memleket basshysy Qasym-Jomart Toqaev «Tech Garden» ınnovatsııalyq klaster ortalyǵynyń jumysymen tanysty, dep habarlaıdy Aqorda.

Qasym-Jomart Toqaevqa ınnovatsııalyq klaster ortalyǵynda ornalasqan 4 tehnologııalyq laboratorııa, 50-den asa IT kompanııalar men birqatar startap jobalar týraly jan-jaqty aqparat berildi.

Innovatsııalyq klasterdiń jumysyna 284 uıym biriktirilgen. Olardyń qatarynda 23 joǵary oqý orny, 25 ǵylymı zertteý ortalyǵy, 2 tehnopark, 1 damý ınstıtýty, «Innovatsııalyq tehnologııalar parki» arnaıy ekonomıkalyq aımaǵyna qarasty 166 kompanııa, 1 birlesken ınvestıtsııalyq qor jáne 66 uıym bar.

Memleket basshysy «Tech Garden» ortalyǵynyń jumysyn joǵary baǵalap, aldaǵy bastamalaryna sáttilik tiledi.