Memleket basshysy teatr synshysy Áshirbek Syǵaıdyń otbasy men jaqyndaryna kóńil aıtý jedelhatyn joldady
ASTANA. QazAqparat - Memleket basshysy Nursultan Nazarbaev tanymal teatr synshysy, óner qaıratkeri Áshirbek Syǵaıdyń qaıtys bolýyna baılanysty otbasy men jaqyndaryna kóńil aıtý jedelhatyn joldady, dep habarlady Aqordanyń baspasóz qyzmeti.
Marqumnyń otbasy men týǵan-týystaryna kóńil aıtqan Memleket basshysy Á.Syǵaıdyń zııalylyǵy men joǵary kásibı deńgeıin atap ótti.
«Ol jemisti eńbek etip, jaýapty qyzmetter atqaryp, ǵıbratty ómir súrdi. Elimizdiń mádenıeti men óneriniń órkendeýine zor úles qosty, al onyń eńbegi ár jyldary respýblıkamyzdyń joǵary memlekettik nagradalarymen atap ótildi», - delingen jedelhatta.
Sońynda Nursultan Nazarbaev Á.Syǵaıdyń esimin halqymyz umytpaıtynyna senim bildirdi.
