Memleket basshysy Táýelsizdiktiń alǵashqy jyldaryndaǵy basty qıyndyqtardy eske aldy

NUR-SULTAN. QazAqparat – Prezıdent Qasym-Jomart Toqaev QR Táýelsizdiginiń 30 jyldyǵyna arnalǵan saltanatty jıynda táýelsizdik tańynyń basty qıyndyqtaryn atady, dep habarlaıdy QazAqparat.

«Búgingi tańda bizdiń elimizdiń jetistigi aldyn ala belgili bolǵan sııaqty kórinýi múmkin. Biraq ol kezde, osydan 30 jyl buryn, Qazaqstannyń bastapqy jaǵdaıy kúrdeli boldy.

Ekonomıka tereń daǵdarysta edi. Áleýmettik sala turalap jatty. Geosaıası ahýal men álemdik naryqtardan oqshaýlaný da senim uıalata qoımady. Uzynnan uzaq sozylǵan shekara zańdy túrde rettelmegen bolatyn», - dedi Prezıdent saltanatty jıynda.

Sondaı-aq, ol atalǵan qıyndyqtar qalaı eńserilgenine de toqtaldy.

«Elbasynyń strategııalyq ıdeıalary men onyń myzǵymas saıası erik-jigeri osy qolaısyz faktorlardyń bárin eńserip, Qazaqstannyń ornyqty damýyn qamtamasyz etýge múmkindik berdi dep nyq senimmen aıtýǵa bolady.

Táýelsizdik alǵannan keıin bizdiń elimiz ekonomıka, mádenıet nemese qoǵamdyq-saıası ómir bolsyn, is júzinde barlyq salalarda progress jolyna tústi», - dep atap ótti Qasym-Jomart Toqaev.