Memleket basshysy Tashkentte ótip jatqan Abaıǵa arnalǵan kórmeni aralady

ASTANA. QazAqparat - Memleket basshysy Ózbekstanǵa jasaǵan memlekettik saparynyń aıasynda Tashkent qalasynda ótip jatqan «Abaı. Baýyrlas halyqtar murasy» atty uly aqynnyń ómiri men shyǵarmashylyǵyna arnalǵan kórmege bardy, dep habarlaıdy Aqorda.

Qasym-Jomart Toqaev Ózbekstanǵa jasaǵan memlekettik saparynyń aıasynda Tashkent qalasynda ótip jatqan «Abaı. Baýyrlas halyqtar murasy» atty uly aqynnyń ómiri men shyǵarmashylyǵyna arnalǵan kórmege bardy. Bul kórme – eki el arasyndaǵy dostyq pen baýyrlastyq baılanystardy odan ári nyǵaıtýǵa baǵyttalǵan mańyzdy qadam.

«Abaı. Baýyrlas halyqtardyń murasy» atty kórmede uly aqynnyń shyǵarmashylyǵyndaǵy Álisher Naýaıdyń róli, Abaı ómiriniń negizgi kezeńderi, Á.Qasteev, O.Tańsyqbaev, E.Sıdorkın, N.Ótepbaev jáne taǵy basqa sýretshilerdiń týyndylaryndaǵy Abaı týraly sıýjetter qamtylǵan.

Oǵan qosa, Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıiniń 120-dan astam eksponaty qoıylǵan.

Foto: akorda.kz