Memleket basshysy tapsyrmalarynyń oryndalýyn endi biz apta saıyn tyńdaıtyn bolamyz - S.Ahmetov
Búgin Úkimet úıinde QR Premer-Mınıstri Serik Ahmetovtiń tóraǵalyǵymen 2013 jyldyń 11 qazanynda QR Úkimetiniń keńeıtilgen otyrysynda Memleket basshysynyń bergen tapsyrmalaryn oryndaý barysy máseleleri talqylandy.Búl týraly www.primeminister.kz saıty habarlady.
Premer-Mınıstr «jumystyń tómen qarqynyn jáne mınıstrler, ákimder, jalpy Úkimet tarapynan Prezıdent tapsyrmalaryn oryndaýǵa jiti kóńil bólinbeıtinin» atap ótip, «Memleket basshysynyń tapsyrmalaryn jedel jáne tıimdi oryndaý» qajettigin basyp aıtty.
Tapsyrmalardy oryndaý jospary týraly Ekonomıka jáne bıýdjettik josparlaý mınıstri Erbolat Dosaev baıandady.
Mınıstr habarlaǵandaı, «Úkimet bekitken Іs-sharalar jospary 70 is-sharadan turady. 2013 jyldyń aıaǵyna deıin 46 is-sharany, al 2014 jyly - 22 is-sharany iske asyrý kózdelgen».
Іs-sharalar jospary tórt normatıvtik-quqyqtyq akti jobasyn ázirleýdi kózdeıdi. Qujattar bıýdjettik zańnamany jetildirý, memlekettik organdarda satyp alýlardy júrgizý, Bıýdjetti atqarý erejeleri máselelerine qatysty.
E.Dosaev aıtqandaı, alty is-shara boıynsha Memleket basshysyna baıandamalar engiziletin bolady. Bul 2010-2014 jyldarǵa arnalǵan ÚIIDMB júzege asyrý, memlekettik bıýdjet qarajaty esebinen qarjylandyrylatyn jobalardy oryndaý, 2013-2015 jyldarǵa arnalǵan kóleńkeli ekonomıkaǵa qarsy is-qımyldyń Keshendi josparynyń oryndalýy, salyq bazasyn ósirýge múddelilikti qamtamasyz etý, alkogol ónimderi aınalymyna baqylaýdy kúsheıtý, aýyl sharýashylyq ónimderdi qaıta óńdeý máselelerine qatysty.
Mınıstr, sondaı-aq, memlekettik organdarǵa, naqty aıtqanda ekonomıka jáne bıýdjettik josparlaý, óńirlik damý, qarjy, ındýstrııa jáne jańa tehnologııalar mınıstrlikterine Jospardyń 42 is-sharasy tapsyrylatynyn aıtyp, olardyń oryndalý merzimderin málimdedi.
Memleket basshysynyń tapsyrmalaryn oryndaý boıynsha ekonomıka jáne bıýdjettik josparlaý mınıstri E.Dosaevtyń, qarjy mınıstri B.Jámishevtiń, bilim jáne ǵylym mınıstri A.Sárinjipovtyń, ındýstrııa jáne jańa tehnologııalar mınıstri Á.Isekeshevtiń, aýyl sharýashylyǵy mınıstri A.Mamytbekovtyń, óńirlik damý vıtse-mınıstri Q.Óskenbaevtyń baıandamalary tyńdaldy.
Naqty aıtqanda, memlekettik satyp alý, alkogol ónimderi aınalymy, bıýdjet qarajatyn ıgerý, kóleńkeli ekonomıkaǵa qarsy is-qımyl, ekonomıkany ındýstrıalandyrý, aýyl sharýashylyq qaıta óńdeý, AEA qyzmetiniń tıimdiligi, «Bıznestiń jol kartasy-2020» júzege asyrý, TKSh jetildirý baǵdarlamasy, jobalyq-smetalyq qujattamany ázirleý jáne saraptaý sferasyndaǵy jumysty jetildirý boıynsha sharalar baıandaldy.
Memlekettik organdardyń jumysyndaǵy olqylyqtarǵa baılanysty Úkimet basshysy ındýstrııa jáne jańa tehnologııalardyń birinshi vıtse-mınıstri A.Raýǵa, óńirlik damý vıtse-mınıstri S.Nokınge, qarjy vıtse-mınıstri A.Teńgebaevqa, densaýlyq saqtaý vıtse-mınıstri B.Tókejanovqa, aýyl sharýashylyq vıtse-mınıstri M.Tolybaevqa, mádenıet jáne aqparat vıtse-mınıstri A.Qyryqbaevqa sógis aıtty. Sondaı-aq, birqatar komıtet tóraǵalary jáne basqa da laýazymdy tulǵalar jazalandy.
Pavlodar jáne Jambyl oblystarynyń ákimderine qarjy máselelerine jetekshilik etetin orynbasarlaryna sógis jarııalaý tapsyryldy.
S.Ahmetov atap ótkendeı, «eger jyldyń sońyna qaraı jaǵdaı ózgermese, Memleket basshysynyń atyna birinshi basshylardy, onyń ishinde ákimderdi jazalaý týraly usynystar engizýge quqyly bolamyn». Ol sondaı-aq «Memleket basshysynyń tapsyrmalaryn jáne barlyq baǵdarlamalyq qujattardy sapaly jáne ýaqytyly oryndaý qajettine barlyq memlekettik organdar, holdıngter birinshi basshylarynyń jáne óńir ákimderiniń» nazaryn aýdardy.
«Atqarýshy bılik - bul, eń aldymen, Prezıdent saıasatyn júzege asyrý quraly. Bul týraly barlyǵy, jekelep alǵanda Úkimet múshesi, ákim este saqtaýy tıis», - dep atap ótti Premer-Mınıstr.
S.Ahmetov aıtyp ótkendeı, «Úkimettiń barlyq áreketteri ashyq jáne BAQ arqyly halyqqa jetkizilýi tıis. Bul jumys júıeli, turaqty jáne barynsha ashyq bolýy kerek». Osyǵan baılanysty ol mádenıet jáne aqparat mınıstrligin «barynsha belsendi bolýǵa, qyzmettiń aqparattyq baǵytyn kúsheıtýge» shaqyrdy.
Qorytyndylaı kele, Úkimet basshysy «barlyq mınıstrler jáne óńir ákimderi sondaı-aq ózderiń qoldanatyn sharalardyń tıimdiligin jáne nátıjeliligin anyqtaýmen óz jumystaryn taldaýlary tıistigin» atap ótti. «Memleket basshysy tapsyrmalarynyń oryndalýyn endi biz apta saıyn tyńdaıtyn bolamyz», - dep túıindedi S.Ahmetov
