Memleket basshysy Tamyz konferentsııasyna qatysady
NUR-SULTAN. QazAqparat – Qazaqstan Prezıdenti Qasym-Jomart Toqaev erteń Tamyz konferentsııasyna qatysady. Bul jaıynda QR Bilim jáne ǵylym mınıstriniń keńesshisi Erbolat Muhamedjan Feısbýktegi paraqshasynda jazdy, dep habarlaıdy QazAqparat tilshisi.
«Qazaqstan Respýblıkasy Bilim jáne ǵylym mınıstrligi Memleket basshysy Qasym-Jomart Toqaevtyń qatysýymen 2019 jylǵy 16 tamyz kúni Tamyz konferentsııasynyń plenarlyq otyrysyn ótkizedi. Konferentsııa sheńberinde bilim jáne ǵylym salasyndaǵy ózekti máseleler men jańalyqtar boıynsha taqyryptyq alań uıymdastyrylyp, pedagogtardy marapattaý rásimi bolady», - dep jazdy ol.
