«Memleket basshysy synǵa alǵan «100 aýrýhana» jobasy boıynsha jiberilgen kemshilikterdi joıý qajet» - Densaýlyq saqtaý mınıstri
ASTANA. 7 aqpan. QazAqparat - Búgin Densaýlyq saqtaý mınıstri Salıdat Qaıyrbekova Astana qalasyndaǵy madıtsına salasynyń mamandarymen kezdesip, Memleket basshysynyń Joldaýyn talqyǵa salyp, odan týyndaıtyn mindetter jóninde tildesti, dep habarlaıdy Densaýlyq saqtaý mınıstrliginiń baspasóz qyzmeti.
Baspasóz qyzmeti keltirgen málimetter boıynsha, Biryńǵaı ulttyq densaýlyq saqtaý júeısiniń aıasynda Astana qalasynyń densaýlyq saqtaý nysandaryn qarjylandyrý kólemi 2009 jyldan beri 2,1 esege artqan.
Al qaladaǵy energııa únemdeıtin kúndizgi statsıonardaǵy aýrýhana tósekteriniń sany 6 esege artty. 2011 jyly Biryńǵaı ulttyq densaýlyq saqtaý júıesi boıynsha Astana qalasynda kórsetilgen medıtsınalyq qyzmettiń deńgeıi 15 esege artty.
«Biz Memleket basshysynyń synǵa alǵan «100 aýrýhana» jobasy boıynsha jiberilgen kemshilikterdi joıýymyz qajet»,-dedi Densaýlyq saqtaý mınıstri.
Sonymen qatar ol kepildi medıtsınalyq kómektiń qarjylandyrý kólemi de artyp otyrǵandyǵyn atap ótip, medıtsına mamandaryna turǵyndarǵa kórsetiletin qyzmettiń sapasyna basa nazar aýdarý qajettigin eskertti.
