Memleket basshysy sýdıalarǵa júktemeni tómendetý jolyn aıtty
ASTANA. QazAqparat - Respýblıka sýdıalarynyń VII sezinde Qazaqstan Prezıdenti Nursultan Nazarbaev sýdıalarǵa júktemeni tómendetý jolyn aıtty, dep habarlaıdy QazAqparat.
«Sońǵy jyldary sot isteriniń sany jyl saıyn 200 myńǵa ósip otyrdy. Bul isterdiń qaralý sapasy men merzimine tikeleı áser etedi. ıAǵnı, muny da ár qyrynan qarastyrý qajet. Júktemeni tómendetý úshin meniń sheshimimmen aýdandyq sottardyń sýdıalary shtaty 450 birlikke, sot apparattarynyń sany 540 birlikke ulǵaıtyldy. Degenmen, sot apparatyn úzdiksiz ulǵaıtyp, sýdıalardy taǵaıyndaı almaımyz. Bul múmkin emes», - dedi Elbasy.
Osy rette Qazaqstan Prezıdenti tatýlastyrý protsedýralary men tetikterin keńeıtý sharalarynyń kútilgen nátıje bermeı otyrǵandyǵyn tyńǵylyqty saralaý qajettigin basa aıtty.
«Munda baıypty kemshilikter bar. Halyqpen túsindirý jumystaryn júıeli túrde júrgizý qajet. Azamattarǵa isti sot protsesine jetkizgennen góri tatýlasý tıimdi ekendigin túsindirý kerek. Bul rette quqyqtyq-aǵartýshylyq máselesi mańyzdy bolyp sanalady. Halyqtyń zańgerlik saýattylyǵynyń arqasynda sot daýlaryn eselep qysqartýǵa bolady», - dedi Nazarbaev.
