Memleket basshysy sý resýrstaryn tıimdi paıdalaný máselesin kóterdi

NUR-SULTAN. QazAqparat – Búgin Úkimettiń keńeıtilgen otyrysynda Memleket basshysy Qasym-Jomart Toqaev sý resýrstaryn tıimdi paıdalaný máselesin kóterdi, dep habarlaıdy QazAqparat tilshisi.

«Sý resrýstaryn tıimdi paıdalaný máselesine jeke toqtalyp ótkim keledi. Bul kúrdeli bolǵanymen sheshimderi memleket ekonomıkasy men ult densaýlyǵyna aıqyndaýshy retinde yqpal etetin kúrdeli ári strategııalyq mańyzdy másele. Máselemen Ekologııa, geologııa jáne tabıǵı resýrstar mınıstrligi aınalysady. Sý resýrstary problemasymen aınalysatyn ózge qandaı da bir vedomstvo qurylmaıdy. Osyǵan súıenińizder!. Sizderdiń baǵdarlamalaryńyz bar ma?», - dep surady Memleket basshysy elimizdiń bas ekology Maǵzum Myrzaǵalıevten.

Óz kezeginde Ekologııa, geologııa jáne tabıǵı resýrstar mınıstri 10 negizgi basymdyqtan turatyn damý baǵdarlamasynyń tujyrymdamasy ázirlengendigin aıtty.

«Sý salasynan kórip otyrǵan negzigi táýekel – bul aǵyn sýdyń tómendeýi. Bizdiń esepteýimizshe, aǵyn sý jylyna shamamen 100 tekshe shaqyrymdy quraıdy jáne 2040 jylǵa qaraı aǵyn sýdyń 30-40 paıyzǵa azaıý qaýpi bar. Osyǵan qaraı biz sý únemdeıtin tehnologııalar engizý, Qazaqstannyń búkil aýmaǵynda 28 sý qoımasyn salý syndy birqatar sharany qabyldaýymzy kerek. Tsıfrlandyrýdy da belsendi engizgenimiz jón. Tıisti tujyrymdamany ázirledik. Ony Premer-Mınıstrge baıandadyq. Taıaý ýaqytta ony Úkimet otyrysynyń qaraýyna shyǵaryp, odan keıin Siz maquldasańyz memlekettik baǵdarlama ázirleýge kirisemiz», - dedi Maǵzum Myrzaǵalıev.

Osy rette QR Premer-Mınıstri Asqar Mamın atalǵan tujyrymdama Úkimettiń kelesi otyrysynda talqyǵa túsetindigin aıtty.