Memleket basshysy sheteldikter úshin AHQO-daǵy tıimdi sharttardy atady
Memleket basshysy AHQO-nyń ashylý saltanatynda meımandar aldynda qazir qazaqstandyqtar Astananyń 20 jyldyǵyn atap ótkeli otyrǵanyn tilge tıek etti.
«Qazirgi tańda Astana zamannyń eń ózekti máseleleri boıynsha halyqaralyq túsinistik turǵysynda eýrazııalyq keńistiktiń moıyndalǵan ortalyǵyna aınaldy. Bul jerde bıznes qarqyndy túrde damyp, kásipkerliktiń 100 myńǵa tarta sýbektteri tabysty jumys júrgizip jatyr. Dál osynda «aqyldy qala» tujyrymdamasy iske asyrylýda. Ol kóliktik ınfraqurylymdy damytýǵa, qaýipsizdik júıesine, áleýmettik qorǵaýǵa, bilim men densaýlyq saqtaý salasyn jańǵyrtýǵa baǵyttalǵan», - dedi Elbasy.
Nursultan Nazarbaev sheteldik meımandar úshin AHQO-da qarastyrylǵan tıimdi jumys sharttaryn atap ótti.
«Bul jerde halyqaralyq qarjy ınstıtýttarynyń ókildikteri ashylyp jatyr. Osynyń bári de AHQO-nyń tıimdi jumysyn qamtamasyz eteri anyq. Osy oraıdy paıdalana otyryp, sheteldik jáne otandyq bıznesti «Astana» Halyqaralyq qarjy ortalyǵynyń jumysyna shaqyrǵym keledi. Bizdiń jobaǵa belsendi atsalysqan qatysýyshylarǵa shyn nıetimmen alǵysymdy bildirgim keledi. Ózara tıimdi yntymaqtastyq odan ara bekem bola túsedi degen úmittemin. Astana aımaqtaǵy basty qarjylyq habqa aınalýy kerek. Al keleshekte Azııanyń jetekshi qarjy ortalyqtarynyń qataryna enýi tıis», - dedi Prezıdent.
Eske sala ketsek, osy ýaqytta elordadaǵy Kongress holl ortalyǵynda Elbasy Nursultan Nazarbaevtyń qatysýymen «Astana» halyqaralyq qarjy ortalyǵynyń resmı ashylý rásimi ótip jatyr.
