Memleket basshysy Sherhan Murtazanyń mereıtoıyna oraı arnaıy hat joldady

TARAZ. QazAqparat – Prezıdent Qasym-Jomart Toqaev memleket jáne qoǵam qaıratkeri, Halyq jazýshysy Sherhan Murtazanyń 90 jyldyǵyna oraı Tarazda ótip jatqan mereıtoılyq is-sharaǵa arnaıy quttyqtaý hat joldady, dep habarlaıdy QazAqparat.

«Aqıqattyń aldaspany, namystyń narkeskeni atanǵan ardaqty Sheraǵań sanaly ǵumyryn ult rýhanııatynyń damýyna arnaǵan qarymdy qalamger, qaıratker tulǵa edi. Sóz zergeri Sherhan Murtaza jýrnalıstıkada tutas bir býyndy tárbıelep, talanttarǵa jol ashqan, ózindik mektebin qalyptastyrǵan qazaq baspasóziniń máýeli báıteregi boldy. Abyroıly azamat retinde bıik minberlerde eldik máselelerdi kóterip, ult múddesi jolynda aıanbaı kúresti. Jazýshynyń qalamynan týǵan qundy týyndylar ýaqytpen birge jasap, óskeleń urpaqtyń jadynda jańǵyra bereri anyq. Onyń qazaq rýhanııatyndaǵy orny men jarqyn beınesi eshqashan umytylmaıdy» delingen quttyqtaýda.

Esterińizge sala keteıik, búgin Taraz qalasynda Sherhan Murtazaǵa arnap eskertkish ashyldy.

Arnaıy ǵylymı konferenııa uıymdastyrylyp, týǵan aýyly Jýalyda birqatar is-sharalar ótetini josparlanǵan.