Memleket basshysy Shavkat Mırzıeevti Ózbekstan Prezıdenti laýazymyna qaıta saılanýymen quttyqtady
NUR-CULTAN. QazAqparat - Memleket basshysy Ózbekstan Prezıdenti Shavkat Mırzıeevpen telefon arqyly sóılesti, dep habarlaıdy Aqorda.
Prezıdent Qasym-Jomart Toqaev Shavkat Mırzıeevti Ózbekstan Respýblıkasynyń Prezıdenti laýazymyna qaıta saılanýymen quttyqtap, ózbek kóshbasshysynyń saılaýdaǵy senimdi jeńisi onyń strategııalyq baǵdarynyń jalpy halyqtyq qoldaýǵa ıe bolǵanyn taǵy bir márte dáleldedi dep atap ótti.
Áńgimelesý barysynda Qasym-Jomart Toqaev Shavkat Mırzıeevtiń baýyrlas eki halyq arasyndaǵy kóp ǵasyrlyq dostyq pen tatý kórshilik qatynastardy nyǵaıtýǵa zor úles qosqanyn aıtty.
Taraptar Qazaqstan men Ózbekstan arasyndaǵy strategııalyq seriktestiktiń mol áleýetin tolyq júzege asyrý jáne Ortalyq Azııadaǵy ózara senimdi nyǵaıtý maqsatynda birlesken jumystardy belsendi jalǵastyrýǵa daıyn ekenin naqtylady.
Qazaq-ózbek qatynastaryna is júzinde tyń serpin berý úshin Qasym-Jomart Toqaev Shavkat Mırzıeevti Qazaqstanǵa memlekettik saparmen kelýge shaqyrdy.
