Memleket basshysy shatyr basyp qalǵan týdy kótergen azamattarǵa alǵys aıtty
«Stadıonda fýtbol matchy bolyp jatqanda sport kesheniniń shatyry týdyń tuǵyryn basyp qalǵany eldiń esinde. Sol kezde turǵyndar qaýip-qaterge qaramastan, shatyrdyń astynan Kók baıraǵymyzdy alyp shyqty. Shynaıy otanshyldyq osyndaı áreketten kórinedi. Qur sózden túk shyqpaıdy. Alańdarǵa shyǵyp, jalǵan uran tastap júrgenderdiń, menińshe, naǵyz Otansúıgishtikke eshqandaı qatysy joq. Qasterli týymyzdy jerge túsirmeı alyp shyqqan birneshe jigit búgin ortamyzda otyr. Olardyń Otanǵa degen adaldyǵyn jastarǵa úlgi etýimiz kerek. Osyǵan oraı, men Ábilqaıyr Dáýletov, Bekmurat Qaraev jáne Nurken Namazǵa alǵysymdy jarııalaımyn», - dedi Memleket basshysy Qasym-Jomart Toqaev Shymkent qalasynyń jurtshylyǵymen kezdesýinde.
Eske salsaq, bıyl 21 mamyrda Shymkentte fýtbol matchy kezinde stadıonnyń shatyry ushyp, alańǵa tústi.
Foto: akorda.kz