Memleket basshysy shaǵyn bıznes úshin arnaıy qoldaý sharalaryn qarastyrýdy tapsyrdy
NUR-SULTAN. QazAqparat - Memleket basshysy Qasym-Jomart Toqaev shaǵyn bıznes úshin arnaıy qoldaý sharalaryn qarastyrýdy tapsyrdy, dep habarlaıdy QazAqparat.
«Suranystyń azaıýy, aktıvter men kepilge qoıylǵan múlikterdiń naryqtyq qunynyń tómendeýi jaǵdaıynda «Damý» qorymen nesıeni kepildendirý tetikterin paıdalaný asa mańyzdy. Qordyń kepildigi aınalym qarjysyn nesıeleý boıynsha Ulttyq bank baǵdarlamasy aıasynda beriletin zaımdarǵa taralatyn bolady», - dedi Przıdent Tótenshe jaǵdaı rejımin qamtamasyz etý jónindegi memlekettik komıssııanyń otyrysynda.
Osy oraıda Przıdent onyń kólemi 600 mlrd teńge ekenin jáne bul soma qajet bolǵanda artatynyn jetkizdi.
Ekonomıkany nesıeleýdi keńeıti úshin Qarjy naryǵyn retteý jáne damytý agenttigi tıisti sharalardy qabyldady. Bul óz kezeginde bank sektorynda 600 mlrd teńgege jýyq qarjyny bosatýǵa múmkindik berip, bul qarajat el ekonomıkasyna baǵyttalýy tıis.
«Ekonomıkany nesıeleýge bankterdiń múmkindikterin keńeıtetin qosymsha ýaqytsha prýdentsıaldy sharalar keshenin ázirleý kerek. Mıkro ári shaǵyn kásipkerlikke jekeleı nazar aýdarý kerek. Olardyń tolyqqandy standartty banktik ónimderdi paıdalaný múmindikteri tym shektelgen», - dedi Memleket basshysy.
Osyǵan baılanysty Qasym-Jomart Toqaev «Bıznestiń jol kartasy» baǵdarlamasy aıasynda shaǵyn bıznes úshin arnaıy sharalardy qarastyrýdy tapsyrdy.
«Úkimet pen «Atameken» atalǵan baǵytty qarjylandyrý kólemi boıynsha sharalardy aıqyndaýy tıis.
