Memleket basshysy: Saýyqtyrý men bankrottyq rásimder merzimin qysqartý kerek

NUR-SULTAN. QazAqparat - Qazaqstanda kásiporyndar men kompanııalardy saýyqtyrý men bankrottyǵy talaptaryn túbegeıli jeńildetý jáne rásimder merzimin qysqartý kerek. Bul týraly QR Prezıdenti Qasym-Jomart Toqaev málim etti, dep habarlaıdy QazAqparat Aqordanyń Twitter-ine silteme jasap.

«Bizge saýyqtyrý men bankrottyq talaptaryn túbegeıli jeńildetý jáne osy rásimder merzimin qysqartý kerek. Úkimet Ekonomıkalyq yntymaqtastyq jáne damý uıymy elderiniń úzdik tájirıbelerin eskere otyryp, bankrottyq týraly zańnyń jańa redaktsııasyn qabyldaý týraly máseleni zertteýi tıis», - dedi Prezıdent memlekettik organdardyń, «Atameken» UKP, ulttyq kompanııalar men otandyq bıznes ókilderi qatysqan Ulttyq ınvestorlar keńesinde.

Memleket basshysynyń paıymynsha, Úkimet pen «Atameken» UKP otandyq eksporttaýshylar múddelerin belsendi túrde ilgeriletýi qajet.

«EAEO ortaq naryǵyn dempıngten, kontrafaktilik taýarlardan, úshinshi elder tarapynan josyqsyz básekeden qorǵaý bóliginde jumysty úılestirý kerek», - dedi Prezıdent.