Memleket basshysy Sardobadaǵy jaǵdaı týraly: Eń bastysy – adam shyǵyny bolǵan joq
NUR-SULTAN. QazAqparat – Memleket basshysy Qasym-Jomart Toqaev Túrkistan oblysy Myrzakent aýylyndaǵy jańa yqshamaýdannyń qurylysymen tanysyp, turǵyndarymen kezdesti, dep habarlaıdy QazAqparat.
Prezıdent Sardoba sý qoımasyndaǵy apattan zardap shekken turǵyndarmen de kezdesti. Qasym-Jomart Toqaev apat aımaǵyna elimizdiń ár túkpirinen mamandardyń kelip jumys istegenin aıtty.
«Jumys nátıjesi jaqsy. Qurylys aýmaǵyn qarap shyqtyq. Eń basty aıta keterligi, adam shyǵyny bolǵan joq. Qalǵan máselelerdi qolymyzdan kelgeninshe sheshemiz. Eshqandaı da tosqaýyl bolmaıdy. Osy múmkindikti paıdalanyp qutqarýshylarǵa, dárigerlerge rızashylyǵymdy bildirgim keledi. Jańa qonystaryńyz qutty bolsyn», - dedi Memleket basshysy turǵyndarmen kezdesýde.
Aıta keteıik, Memleket basshysy búgin jumys saparymen Túrkistan oblysyna bardy.
Jumys sapary barysynda QR Prezıdenti Túrkistandaǵy Qoja Ahmet ıAsaýı kesenesin aralap, kúmbezdiń tarıhı kelbetin saqtaı otyryp júrgizilgen jańartý jumystarynyń nátıjelerimen tanysty.
