Memleket basshysy Premer-Mınıstrge qaptap ketken komıssııalardyń qataryn kúrt qysqartýdy tapsyrdy

dep habarlaıdy QazAqparat.

«Maǵan baıandalǵanyndaı, ákimdikterde ártúrli kóptegen komıssııalar qurylǵan. Ortalyq deńgeıde de jaǵdaı osyndaı. Mınıstrler, vıtse-mınıstrler jumys kúniniń kóp bóligin ártúrli komıssııalardyń otyrystarynda ótkizedi. Mundaı alqalyq jaýapsyzdyq báriniń kóńilinen shyǵatyn tárizdi, jaýapkershilikten qashqaqtaýǵa múmkindik beredi. Sondyqtan da Kárim Qajymqanuly, Sizge komıssııalardyń sanyn kúrt qysqartýdy tapsyramyn», dedi Elbasy.

Osy oraıda Elbasy bolsyn-bolmasyn ártúrli komıssııalardyń otyrysyn jasaı bermeı, odan da adamdarǵa jumys isteýge múmkindik berý qajettigin atap ótti. «Komıssııalardyń otyrystary bastalyp, jumys isteıtin adamdardy birese ana mınıstrlikke, birese myna mınıstrlikke shaqyryp jatady. Mundaıda adamdar qandaı ýaqytta bos bolatyndaryn bilýleri úshin kimniń jáne qashan shaqyratyndyǵy týraly keste bolýy tıis», dedi Prezıdent.